[:tl]
Liu husi dekretu Prezidente Repúblika númeru 53/2020, Xefe Estadu nomeia tan membru Governu na'in 21, hafoin simu proposta husi Governu.
Hafoin simu proposta husi Primeiru Ministru, Taur Matan Ruak, Prezidente Repúbilka (PR), Francisco Guteres Lú Olo, uza nia kompetensia tuir dekretu númeru 53/2020, artigu 106, fó tan pose ba membru Governu na'in 21.
Kompostu husi ministru na'in 6, Vise Ministru na'in 10 no Sekretáriu Estadu na'in 5, hodi viabiliza VIII Governu to'o termina mandatu.
Fó hanoin fali katak, iha Sesta, loron 29, fulan Maiu, liu ba, Xefe Estadu mós, fó ona pose ba membru Governu na'in 8, ne'ebé nomeia husi partidu FRETILIN, KHUNTO no PD.
Ho pose da-haat ne'e, VIII Governu, kompleta ona nia membru Governu hamutuk 43, ho konjuntura polítika foun, entre PLP, KHUNTO no FRETILIN, ne'ebé mosu atu viabiliza governasaun da-ualu, hafoin membru Governu husi partidu CNRT sés-a’an husi Governu da-ualu ne’e.
Partisipa iha serimonia tomada de pose, Prezidente Parlamentu Nasional, Aniceto Guteres, Prezidente Tribunal Rekursu, Deolindo Dos Santos, Xefe Estadu Maior F-FDTL, Major Jeneral, Lere Anan Timur, Konselleiru Máximu partidu KHUNTO, Jose dos Santos Naimori "Bukar", Sekretáriu Jeral Partidu FRETILIN, Marí Alkatiri, no seluk tan. ina
[:]
