GMN TV Politika KHUNTO seidauk halo juramentu ba Membru Governu

KHUNTO seidauk halo juramentu ba Membru Governu

0 views

Sekretáriu Jerál Partidu KHUNTO, José Agustinho da Silva, hatete Partido KHUNTO prontu kumpri komprimisiu Politiku no komprimisiu eleitoral partidu nian atu lori membru Governu husi KHUNTO nian ba juramentu iha foho Ramelau.

Antes ne'e, Konselleiru Partido KHUNTO, Jose Naimori ‘Bukar’ katak membru Oitavu Governu Konstitusional husi KHUNTO nian kompletu ona maka sei lori ba juramentu iha Ramelau.

“Iha tempu badak ami sei organiza oinsa maka bele konkretiza, ita nia kompromisiu eleitorál sira ne’e, tamba ne’e iha tinan ne’e membru governu KHUNTO sei realiza nia kompromisiu ne’e hodi jura iha Ramelau. “Konaba asuntu nee laos buat foun desde inisiu partidu ne’e estabelese hahú husi 2011 sa’e mai ,hau nia responde ba públiku katak,ema sira ne’ebé maka sadere ba kualker partidu ida inkluindu partidu KHUNTO ninia estatuto nasionalidade ne’e Timorense idade 17 ba leten ita nia KRDTL asegura hela ,direitu siviku ema ida-idak nian atu adere ba iha ne’ebé.Buat ida juramentu iha kontextu lei la kontra regra ruma ,la viola,la kontra ,hau hanoin ita bele konsidera ne’e duni ita iha diferensa ideia,pozisaun,maneiras ida ne’e mak imprimu husi demokrásia lolos importante buat hotu la’o tuir nia koridór.Ida ne’e kompromisiu,politíka,kompromisiu eleitoral partidu KHUNTO ninia ,ami iha komitmentu,iha vontade tomak oinsa mak kumpri ami nia komitmentu ,ami nia kompromisiu eleitorál ne’e”, dehan Sekretáriu Jerál Partidu KHUNTO José Agustinho da Silva, hatete, lia hirak ne’e ba JNDiário, Segunda (29/06), iha sede partidu KHUNTO Manleuana.

Dezde inísiu partidu KHUNTO estabelese iha tinan 2011, lider partidu promete, bainhira KHUNTO  hetan fatin iha Governasaun mak nia membru sira sei ba halo juramentu iha foho Ramelau.

Maibe, realidade to’o agora promesa ne’e la realiza, maske KHUNTO nia membru barak mak involve an iha Governasaun Da-Ualu ne’e.

Sekretáriu Jerál Partidu KHUNTO José Agustinho da Silva, hatete, juramentu ne’e la'os buat foun ba partidu KHUNTO, nune’e nia  kompromete dala ida tan, iha tinan ne’e membru Governu sira husi partidu KHUNTO sei ba halo juramentu iha Ramelau, hodi kumpri kompromisiu eleitoral ne’e.

Agustinho, mós konsidera, juramentu ne’e la kontra lei no regra ruma, maibé diferente ideia no pozisaun ne’e normal.

Antes ne’e, partidu KHUNTO seidauk realiza juramentu iha Ramelau, tamba ho razaun membru governu husi KHUNTO balun seidauk simu pose.

Membru Governu husi partidu KHUNTO mak hanesan Vise Primeira Ministra no Ministra Solidaridade Sosiál no Inkluzaun, Armanda Berta dos  Santos,  Ministru Trasnporte no Komunikasaun, Jose Agustinho da Silva, Ministru Agrikultura, Pedro Reis, Vise Ministru Negosiu Estranjeiru no Kooperasaun, Julião da Silva, Vise Ministru Justisa Edmundo Caetano, Vise Ministru Edukasaun Joventude no Desportu, António Guterres, Vise Ministru Agrikultura no Peskas Abílio Xavier de Araújo,Vise Ministru Interior António Armindo, Sekretariu Estadu Formasaun Profisional no Empregu, Alarico do Rosário, Sekretáriu Estadu Peskas Elídio de Araújo ,Sekretáriu Estadu Protesaun Sivil Joaquim dos Reis Martins.Tos


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker