GMN TV Politika KKFP husu PN ho Governu tenke kumpri rekezitus lei FP

KKFP husu PN ho Governu tenke kumpri rekezitus lei FP

0 views

Konsellu Konsultivu Fundu Petrolíferu (KKFP) husu Parlamentu Nasionál (PN) ho VIII Governu konstitusional tenke kumpri rekezitus iha lei Fundu Petrolíferu (FP) antes autoriza no halo levantamentu estraordinariu ho montante millaun $286 ne’e.

“KKFP hanoin katak atu foti osan ida ne’e, presiza hanoin mós ba asuntu lubuk ida, espesialmente ba situasaun merkadu finanseiru ne’ebé desde 2020 ita infenta lakon kuaze $843 milloens hosi merkadu finanseiru nian, maske ita konsege rekoopera fali $697 milloens, maibe nafatin iha inserteza ba ita nia fundu petrolíferu, maske nasaun balun inisia tiha ona ne’e normal, maibe ekonomia seidauk rekoopera di’ak, espesialmente ekonomia iha Timor-Leste. Hosi levantamentu ida ne’e, KKFP haree katak, $250 milloens aumenta ho $286.8 milloens ne’e, ekivalente ho kalkulasaun rendimentu sustentavel estimativa ne’ebé prevê ba Orsamentu Jerál Estadu 2020 nian”.

“Maibe agora bele kala’e fó kbi’it, ne’e depende ba deputadu sira nia desizaun, maibe konsellu hanoin katak, transferensia fundu petrolíferu tenke atraves lei orsamentu jerál ida, katak tenke kumpri rekezitus ne’ebé hateten iha artigu 7 no 9 lei fundu petrolíferu nian, ne’ebé hateten katak fundu petrolíferu so bele halo transferensia de’it ba konta úniku Orsamentu Jerál Estadu nian, no limite RSE aplika de’it ba OJE”, hateten membru KKFP, Juvinal Dias bainhira halo audiensia públika ho komisaun D no C, iha PN Kuarta (17/06/2020).

Tuir KKFP, governu presiza iha Orsamentu Jerál Estadu, tanba Dotasaun Orsamentu Temporariu labele estimula ekonomia rai laran.

“Iha ami nia linguazen hateten katak, Dotasaun Orsamentu Temporaria (DOT) la’os Orsamentu Jerál Estadu. no seluk ida mak ami mós hanoin atu  haree aleinde aspeitu legal, atu mensiona katak, presiza foti orsamentu fundu petrolíferu, atu bele iha Orsamentu Jerál Estadu, tanba ami mós hanoin aspeitu ekonomiku, tanba kuandu levantamentu fundu petrolíferu atu finansia ba mákina estadu, nia sei prezudika ba dezenvolvimentu ekonomia rai laran, tanba kuandu finansia de’it mákina estadu, nia sei la efetivu no efisensia atu dezenvolve ekonomia, tanba DOT labele mai ho nia indikadores ba estimula ekonomiku nian, no labele halo redusaun dezempregu, tanba ne’e mak ami hanoin katak, aspeitu hirak ne’e tenke hetan konservasaun. Mezmu governu foin hanoin hela atu halo levantamentu $500 tal milloens ne’ebé ekivalensia ho rendimentu sustentavel estimativa ba 2020, maibe realidade desde Janeiru tinan ne’e to’o ohin loron, governu gasta ona osan lubuk ida ne’ebé mai hosi saldo tezoreiru mai hosi 2019 nian, no osan restu ka la uza hosi projetu ZEESM nian, ne’ebé maioria parte mós hosi Fundu Petrolíferu, tanba ne’e dalan di’ak liu atu foti osan hosi finansia mákina estadu ne’e mak tenke atraves hosi OJE, no ami espera katak ida ne’e sai hanesan pontu diskusaun iha PN”, tenik Juvinal.

Tanba ne’e, KKFP reafirma tan katak, DOT la’os OJE ne’ebé define iha lei FP no transferensia FP tenke atraves lei OJE, espesialmente ba tinan 2020.

“Ita mós presiza haree situasaun poítika iha rai liur, hanesan EUA, no merkadu finanseiru sira, no haree ba futuru, molok foti osan hosi FP, tanba FP hanesan úniku rekursu ne’ebé mak TL iha, se karik ita jere ho koidadu, implikasaun boot ida ba sistema fiskal iha futuru, seluk ida tan, Orsamentu Estadu mós sempre iha projesaun ba futuru, ba tinan sira oin mai, tanba ne’e mak governu presiza aprezenta progresu ezekusaun ba anu fiskal 2020 nian, atu bele sukat kapasidade finanseiru ne’e rasik, espesialmente osan ne’ebé mai hosi FP, se di’akliu mak iha Orsamentu Jerál Estadu, atu bele iha investimentu hodi estimula dezenvolvimentu ekonomiku, duke uza DOT. Ami sujere atu iha Orsamentu Estadu ne’ebé efetivu, hodi bele investe maka’as iha setór produtivu no potensial, inklui edukasaun ho saúde, nune’e dalan investimentu global ne’e, tenke liuhosi OJE”, afirma membru KKFP ne’e.

Antes ne’e, Oitavu Governu Konstitusional ne’ebé lidera hosi Primeiru Ministru Taur Matan Ruak, halo ona levantamentu estraordinariu ba osan hosi Fundu Petrolíferu ho montante dollar amerikanu millaun $250 ba fundu COVID-19.

Hafoin  ida ne’e, iha inisiu  fulan Juñu ne’e, governu mós hato’o tan pedidu levanatamentu estraordinariu ba PN, ho montante dollar amerikanu millaun $286.8 ne’ebé diskute iha Parlamentu Nasionál.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker