Konsellu Ministru (KM), aprova rejime jurídiku, vijilánsia epidemolójiku no vijilánsia sanitaria atu bele halo protesaun ba saúde públika iha tempu normál nómos iha Estadu Emerjénsia(EE).
Ministru Prezidensia Konsellu Ministru, Fidelis Leite Magalhães hateten, dekretu lei ida ne’e bainhira Estadu Emerjénsia remata ona, Goveranu iha dalan bele implementa, medidas ne’ebé mak sei fó protesaun, ba sidadaun sira kontra COVID-19.
“Dekretu lei ida ne’e nia objetivu, atu operasionaliza lei númeru 10/2004 hodi nune’e bainhira laiha Estadu Emerjénsia(EE), Governu iha dalan bele implementa ho lolos no diak medidas sira ne’ebé mak sei fó protesaun, ba iha sidadaun sira kontra COVID-19,” dehan, Ministru Prezeidensia Konsellu Ministru, Fidelis Leite Magalhães, iha Palásiu Governu, Kuarta (17/06/2020).
Governante ne’e esplika, rejime ne’e mós, loke dalan ba medidas sira ne’ebé mak hanesan, kuarentena no halo limitasaun ba aktividade loke dalan ba teste, atu nune’e iha EE ezekutivu liu-liu Ministériu Saúde(MS)iha dalan hodi implementa medidas ne’ebé importante, hodi proteje sidadaun sira husi moras COVID-19, no ba moras seluk iha futuru.
“Ita prepara hela kuadru legal no nesesariu, sé situasaun normal kontinua hanesan ne’e, ita lá presiza atu implementa tan Estadu Emerjénsia, tamba ida ne’e ita tenki hanoin atu haree, ba kuadru legal sira, maske laiha na EE ita bele kontinua asegura nafatin sidadaun sira nia saúde,” tenik, Fidelis.Cin
