GMN TV Politika Komemora Loron Mundial ba Labarik, PD husu MEJD dezenvolve polítika benefisia ba labarik sira

Komemora Loron Mundial ba Labarik, PD husu MEJD dezenvolve polítika benefisia ba labarik sira

0 views

Bankada  PD iha uma fukun Parlamentu Nasionál (PN) hakarak apelu ba Ministériu Edukasaun Juventude no Desportu (MEJD) atu dezenvolve nafatin polítika ne’ebé benefísia labarik sira iha prosesu aprendizajen, tanba labarik sira mak futuru nasaun nini’an.

“Ohin ita selebra mós loron importante ida, loron internasionál labarik sira ni’an, PD hakarak halo apelu ba MEJD atu hanoin no dezenvolve nafatin polítika ida ne’ebe benefísia labarik Timor-Oan hotu iha sira-nia prosesu atu aprende, prosesu atu moris iha sira-nia família no komunidade, tanba labarik sira mak futuru nasaun ida ne’e ni’an”, deputadu bankada PD, António da Conceição “Kalohan fó sai apelu ne’e iha deklarasaun polítika  liu husi plenária iha PN, Segunda (01-06-2020) relasiona ho loron 1, fulan Juñu ne’e, selebra loron internasionál ba labarik sira.

Kalohan hateten, loron ida ne’e importante tebes, tanba ne’e MEJD tenke kontinua dezenvolve polítika ba labarik sira, liu husi prosesu aprendizajen.

Husi sorin seluk, Komisária Direitu Labarik, Dinhora Granadeiro, hateten,  durante implementasaun Estadu Emerjénsia (EE) kazu barak liu ba labarik sira mak abandona labarik no violénsia hasoru labarik.

“Ha’u fó parabens ba labarik iha mundu tomak espesiál ba labarik sira iha Timor-Leste hanesan nasaun demokrátiku ida ne’ebé rekoñese partisipa no prezensa labarik iha Timor-Leste, tanba ne’e, la’ós de’it iha tinan 2003 ita nia Estadu retifika konvensaun ne’e, maibé prevé kedas iha ita-nia konstituisaun RDTL, artigu 18 labarik sira-nia direitu fundamentu Estadu ida ne’e. Govenru liu husi programa oi-oin ne’ebé konsidera labarik hodi fasilita hanesan fasilidade saúde gratuita, ida ne’e Estadu garante tebes direitu fundamentu ba labarik sira. Hanesan mós asesu edukasaun ho gratuita, maibé ita rekoñese buat sira ne’e seidauk 100% implementa ho di’ak, maibé Governu foti ona medida atu responde, tanba ne’e mak ita-nia Governu estabelese Komisaun Direiru Labarik”, tenik Komisária Direitu Labarik ne’e.

Entretantu Organizasaun Nasaun Unidas (ONU) deside loron 1, fulan Juñu, nu’udár loron internasionál  ba labarik sira. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker