Membru VIII Governu kompletu ona, nune’e la haluha, Primeiru Ministru (PM), Taur Matan Ruak, hato’o agradesimentu ba Prezidente Repúblika (PR), Francisco Guteres Lú Olo.
Objetivu agradesementu ne'e, tanba, Prezidente Repúblika, Francisco Guteres Lú Olo fó ona pose ba kandidatu membru VIII Governu, hafoin simu proposta husi Xefe Governu.
Governu da-ualu, kompleta ona nia estrutura Governu hamutuk 43 no iha ona kbi’it hodi halo serbisu hodi serbi povu durante sira nia mandatu.
Primeiru Ministru, Taur Matan Ruak, orgullu ho membru Governu ne'ebé kompleta ona, tanba durante ne'e, VIII Governu la'o de'it ho roda tolu, maibé, ikus mai bele la'o ona ho roda ha'at.
Estrutura membru Governu ne'ebé simu pose iha Kuarta, loron 24, hamutuk na'in 21, kompostu husi Ministru na'in 6, Vise Ministru na'in 10 no Sekretáriu Estadu na'in 5.
"Ha'u agradese sua exelensia senhor Prezidente Repúblika, tanba fó posse ba Governu i finalmente ninia elenku Governativa iha ona kbi’it atu hala'o serbisu sira ne'ebé presiza halo iha tempu oin mai, ha'u kontente lo’os, tanba, ha'u nia ekipa kompletu ona kuaze tinan 2 la'o de'it ho roda 3 de'it, primeira vez ho roda 4 espera katak ekipa ne'e esforsu presta servisu ba ita nia sidadaun sira tau mákina Estadu ni'an la'o, tenta infrenta situasaun ekonómia, sosial”, Primeiru Ministru hato'o agradesimentu ne'e, liu husi enkontru semanal ho Prezidente Repúblika Francisco Guterres Lú Olo, iha Palásiu Prezidensial Nicolau Lobatu, Bairro–Pite, Kinta (25/06).
Nune’e mos, Xefe Ezekutivu ne’e informa mós kona-ba prosesu pagamentu subsídiu famíliar, ne'ebé besik hotu ona, tanba Díli mak seida’uk remata, maibé iha munisípiu kuaze remata ona, maibé Primeiru Ministru iha esperansa katak, loron rua no tolu tan sei remata.
Taur Matan Ruak akresenta tan, kona-ba benefisiariu balun ne’ebé la da’uk hetan subsídiu monetáriu, ne’ebé Governu apoiu, ne’e responsabilidade ministériu solidariedade sosial ni’an, tanba ne’e, sira nia parte presiza kontaktu ho tékniku sira atu bele rezolve problema hirak ne’e. Ina
