GMN TV Politika Lugu lamenta desizaun PM Taur Matan Ruak

Lugu lamenta desizaun PM Taur Matan Ruak

0 views

Prezidente Autoridade Sesante Rejiaun Administrativu Espesial Oe-Cusse Ambeno (RAEOA), José Luis Guterres ‘LuGu’ lamenta ho desizaun Primeiru Ministru (PM), Taur Matan Ruak, ne’ebé ezonera nia husi kargu Prezidente RAEOA hodi nomeia fali Arsenio Bano.

José Luis Guterres hato’o lamentasaun ne'e ba JNDiário, Kuarta (10/06), hafoin rona Konsellu Ministru hasai desizaun ida hodi ezonera nia no nomeia fali Arsenio Bano hodi lidera rejiaun Enklave nee.

Hau pesoalmente lamenta,maibé  hau tenki simu ne’e ita nia governu nia desizaun ne’ebé. Hau simu no aproveita oportunidade ida ne’e agradese ba Primeiru Ministru (PM)Taur Matan Ruak,ne’ebé uluk nomeia ata hau hodi sai prezidente RAEOA no dezeza mós ba Primeiru Ministru atu hetan susesu iha VIII Governu konstitusional hodi to’o nia mandatu hotu. Hau nia lamentasaun ida maka, tamba hau haree ona kondisaun vida moris ita nia inan ho aman sira iha rai Oe-Cusse terus tebes no hau tempu fulan 7 laiha posibilidade atu hadia sira nia moris, tamba ita hotu moris ho orsamentu duadesimal, tamba ne’e hau husu ba prezidente RAEOA foun atu haree didiak ita nia povu iha rai Oe-Cusse, tamba estrada iha foho mós seidauk diak nune’e prezidente foun ho nia ekipa bele halo diak liu rai Oecusse”, hatete Lugu.

Rezolusaun ba ezonerasaun nee apresenta husi Primeiru Ministru (PM), Taur Matan Ruak iha reuniaun Konsellu Ministru hodi hetan aprovasaun.

“Hau la gosta hau kondena iha atividade politika no aktus desizaun ida ne’ebé halo vigansa labele halo ho emosaun ,maibé ita presiza halo seriedade para desizaun hotu-hotu la’o tuir dalan hau sente katak,lia fuan ne’ebé ita nia Amu Papa lori mai ita katak,ita labele odiu malu la presiza odiu malu no vinga ema para hatudu katak, o ne’e diak liu sira hau hein katak, vigansa politika ukun ho odiu tenki hotu iha rai laran para ema tomak  fó sira nia potensial hotu-hotu”, lamenta eis diplomata ne'e.

Maske nia lamenta, maibé nia ho korajen no fuan bo’ot simu desizaun Primeiru Ministru, Taur Matan Ruak, nian ne’e.

Tamba ne’e  nia ho ninia ekipa mós prepara ona atu iha tempu besik  entrega hikas kargu Prezidente RAEOA ba prezidente foun RAEOA Arsenio Bano.

Atual Prezidente Partidu Frente Mudansa ne'e simu pose nu’udar Prezidente Rejiaun Administrativa Espesiál Oecusse Ambeno no Zona Ekonómia Espesiál Sosiál Merkadu husi Primeiru Ministru (PM), Taur Matan Ruak, iha loron 13, fulan Novembru, tinan 2019, iha Palásiu Governu.

Iha momentu ne’e Primeiru Ministru Taur Matan Ruak rasik hato’o proposta rezolusaun ba Konsellu Ministru hodi nomeia José Luis Guterres, iha loron 6, fulan Novembru, tinan 2019.

Mudansa lideransa ba iha RAEOA nee akontese hafoin mosu konjuntura politiku foun iha parlamentu Nasional, iha nebe Partido FRETILIN ho vontade viabiliza Oitavu Governu Konstitusional hafoin proposta lei Orsamentu Jeral Estadu 2020 xumba iha Parlamentu Nasional. Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker