Nasaun Malázia kontinua suporta Timor-Leste (TL), hodi bele sai membru Association of Southeast Asian Nations (ASEAN), nune’e mos, Malázia kontinua kolabora ho Governu Timor-Leste, hodi fó oportunidade ba Timor-oan, tuir formasaun área oi-oin iha nasaun Malázia.
“Ha’u hetan konvite husi Primeiru Ministru Taur Matan Ruak, Xefi Governu ne’e hato’o informasaun kona-ba situasaun polítika iha TL, no nia mos esplika klaru kona-ba dezenvolvimentu iha TL, no koalia mós kona-ba passu saida deit mak foti ona, saida mak nasaun nee presiza halo hodi bele atende issue COVID-19”, hateten, Embaixadóra Malázia iha Timor-Leste, Sarimah Akbar, iha Palásiu Governu, Tersa (23/06/2020).
Embaixadóra Malázia ne’e subliña tan, Malázia kontinua ho programa kapasitasaun ba Timor-oan ne’ebé mak hakarak ba tuir formasaun iha área oi-oin hodi bele kapasita Timor-oan sira.
“Ba rasik, ha’u reafirma liu tan katak Malázia sei kontinua kolabora hamutuk TL, liu-liu iha aspeitu dezenvolvimentu kapasidade, liu husi dalan fó oportunidade ba trabalhadór TL nian, liu-liu funsionariu públiku hodi bele ba Malázia atu bele tuir formasaun oin-oin hodi kapasita a’an, ami kontinua nafatin, tanba Malázia iha komitmentu tebes hodi kontinua programa ne’e,” afirma, Sarimah Akbar.Cin
