Ministru Defeza no Interior Interinu(MDI), Filomeno Paixão, aprezenta ba Konsellu Ministru(KM), kona-ba kriasaun Autoridade Marítima (AMD), atu defini autoridade nia kna’ar, no aprezenta mós ninia estrutura kordenasaun.
Konsellu Ministru(KM) ne’e prezide husi, Primeiru Ministru Taur Matan Ruak.
“Aprezentasaun ne’e husi MDI kona-ba ‘Autoridade Maritima Nasionál sei sai autoridade nasionál, ho vizaun sai nu’udar entidade responsável ba kordenasaun no aktividade, iha rai laran no ezekuta kompetensia sira atu iha kordenasaun diak liu bainhira ita nia kontrolu maritima,” dehan, Ministru Prezidensia Konsellu Ministru, Fidelis Leite Magalhães, iha Palásiu Governu, Kuarta (17/06/2020).
Governante ne’e subliña liutan, ne’e define kna’ar Ministeriu Defeza, F-FDTL, Ministeriu transporte komunikasaun, no kna’ar instituisaun seluk hanesan PNTL, Autoridade Maritima Nasionál nia funsaun, hanesan sumbriña ida ne’ebé tau matan ba espasu, tasi iha Timor-Leste.
Fidelis hatutan, iha KM ne’e rona mos aprezentasaun husi Ministru Transporte no Komunikasaun, José Agustinho da Silva, kona-ba rejistu no organizasaun ba servisu inspeksaun ba ró ahi, no embarkasaun sira.
“Aprezentasaun ida ne’e objetivu halo analiza dahuluk ba projetu dekretu lei rua, ne’ebé buka atu estabelese norma no prosedimentu rejistu no servisu inspeksaun, kona-ba oinsá utiliza ró ahi no embarkasaun nasionál sira,” esplika, Fidelis.Cin
