Diretor Jeral Ministériu Solidariedade Sosial no Inkluzaun (MSSI), Rui Manuel Exposto, hatete, iha semana ne’e MSSI sei aumenta tan pesoál ba suku balun ne’ebé seidauk remata prosesu pagamentu osan ba benefisiáriu sira.
“Ita hare prosesu pagamentu ba benefisiáriu subsídiu família iha teritoriu timor laran tomak ne’ebé la’o ona semana ida maibé seidauk termina tanba ne’e ita rekoñese pagamentu subsídiu la’o tarde tanba pesoál pagamentu MSSI nian limitadu tebes enkuantu iha suku balun iha númeru benefisiáriu barak ne’ebé labele halo pagamentu iha semana ida deit ho ida ne’e suku sira ne’ebé presiza adisonál pesoál pagamentu maka suku sira ne’ebé iha Munisípiu Díli hanesan Bairu-Pite Comoro Bebonuk Becora no Madohi hateten Rui Manuel Exposto ba GMN iha nia knar fatin MSSI, Kaikoli, Dili, Segunda (15/06).
Diretur Jerál Rui Manuel Exposto ne’e haktuir prosesu pagamentu to’o iha segunda ne’e tama ona ba loron da hitu ba pesoal pagamentu husi MSSI halo pagamentu ba benefisiariu sira iha territóriu timor laran tomak atinji ona pursentu 58.
“Prosesu pagamentu iha Dili no Munisípiu sira sei la’o hela maibé Munisípiu balun mak besik remata ona hanesan Munisipiu Aileu iha suku 30 remata ona prosesu pagamentu no hela deit ona suku 3.maibe ita kontinua atu koloka tan pesoal pagamentu balun ba suku sira ne’ebé presisa Aumenta nune pagamentu ne’e iha tempu badak bele hotu tuir kalendariu ne’ebé fo sai ona informa Rui.
Antes ne’e autoridade lokal no benefisiariu sira mos preokupa ho sistema pagamentu ne’ebé governu implementa iha suku sira hodi selu subsidiu tarde ba benifisiariu sira tanba kada suku MSSI tau pesoal ema nain rua deit.
Enkuantu Orsamentu ne’ebé mak selu ba benefisiáriu sira iha timor laran tomak besik tokon 60.
Entretantu total benefisiáriu hosi munisípiu 12 besik rihun 300 no númeru ne’e seidauk inklui benefisiáriu sira hosi RAEOA.aba
