GMN TV Politika Oecusse-oan husu Arsénio Bano lidera RAEOA labele tendensia ba grupu

Oecusse-oan husu Arsénio Bano lidera RAEOA labele tendensia ba grupu

0 views

Oecusse-oan, Jorge Teme no João Cardoso husu ba Arsénio Bano ne’ebé sei simu kargu hanesan Prezidente  Rejiaun Administariva Espesial Oe-cusse Ambeno (RAEOA), atu lidera RAEOA ho responsabilidade no importante tenke hakuak povu kiik sira hanesan hodi labele tendensia ba grupu A ka B.

“Nu’udar Oecusse oan ha’u senti urgullu, ha’u aseita tanba ne’e kompetensia husi Primeiru Ministru atu nomeia se deit mak nia fiar no primeiru ministru fiar Arsénio Bano atu hatutan servisu ne’ebé lao tiha ona iha ne’eba, ne’e memoria institusional tanba ne’e mak Arsénio Bano, ema ne’ebé ké apropriadu para lidera ZEESM no RAEOA, tanba nia iha esperiensia naruk mos, importante mak senhor Arseno Bano fila hanesan Oe-cusse oan, nia koñese rai ne’e, no koñese povu nia karakter tenke hakoak povu ne’e hanesan labele klasifika povu ne’e ba grupu A grupu B, kor A kor B, mean, mutin, ajul, verde, ne’e labele”,dehan Jorge Teme ba Jornalista sira Kinta (11/06/2020) iha nia rezidensia Delta, Comoro, Díli.

Nia afirma,  Arsénio Bano husi Partidu FRETILIN ne’e tenke hala’o dezenvolvimentu iha Oecusse tenke iha balansu, em termo iha dezenvolvmentu fízika no mental ninian, katak harii uma,  estrada, harii ponte, halo Aeroportu no mos tenke hatene katak, ema  mos fatór ne’ebé presiza dezenvolve nia mentalidade, no oinsa kombina povu atu paritisipa ativamente iha prosesu dezenvolvimentu ne’e.

“Katak povu bele sente sira iha sentimentu ne’ebé paretensia ba dezenvolvimentu ne’e, povu la bele sente katak dezenvolvimentu ne’e la’o ketak, sira halai ketak, ida ne’e mak akontese frikasaun entre konflitus ne’ebé ké bele intrompe ita nia prosesu dezenvolvimentu, ZEESM ne’e projetu ida Estadu ninian, ne’ebé ho dezenvolve Oecusse nu’udar rai-ketan, maibe ha’u nu’udar Oecusse-oan espera katak ZEESM la bele sai fali projetu polítika ida atu fahe povu Oe-cusse”,realsa Jorge.

Alende ne’e, Oecusse-oan seluk,  João Cardoso, afirma,  Arsénio Bano ba lidera Oecusse nu’udar Prezidente Autoriedade, tenke haree didiak servisu ne’e atu nune’e bele fó susesu ba Oecusse.

“Ita tenke ser fó hanoin nafatin para nia servi ho dedikasaun másimu ho ida ne’e, nune’e ita husu nia sistema administrativa ne’e  tenke haree didiak,  atu dezenvolve Oecusse ho diak, ita husik ita nia Prezidente Autoridade atu estabelese rejimentu ida kona-ba rejime planeamentu ne’ebé mak envolve servisu seguransa, iha ne’ebé presizamente ita haree mak povu nia kondisaun,  se dezenvolve harii iha kraik, ita tenke haree ekonomia ba família sira”,tenik João.Oly


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker