Ministru Finansa, Fernando Hanjam, hateten, orsamentu ba sustenta iha konta tezouru no COVID-19 menus ona, tanba ne’e, Governu husu tan levantamentu ba fundu petrolíferu (FP) husi Parlamentu Nasional.
Nia dehan, objetivu Governu nian hodi husu tan autorizasaun ba levantamentu extradordináriu ba fundu petrolíferu husi Parlamentu Nasionál ne’e hodi sustenta konta tezouru. Além de ne’e, tamba orsamento ba fundu COVID-19 atu atende ba planu pakote ekonómiku balun ba COVID-19 ne’ebé seidauk implementa.
“Fundo COVID-19 nian ita atinje ona 60%, inklui mos subsídiu ba uma-kain sira ne’ebé agora sei la’o hela, la inklui RAEOA agora dadauk osan restu sira ne’e ita iha, ne’e ita propoin atu aloka tan sira ne’ebé ita sei dauk halo pagamento iha andamento hela ho saldo ne’ebé mak ita iha. Ita nia saldo ne’ebé mak agora ita iha kuase dólar tokon 61 iha ita nia kaixa para no fim ita halo pagamento ba programa sira ne’ebé mak iha hela andamento, por exemplo atu selu despesa sira ne’ebé maka Ministério Saúde halo dadauk, hanesan cathering sira no hotel sira ne’ebé durante governo aluga no mos suplemento re”, hateten Ministro Finansa iha Palásiu Governu, segunda (15-06).
Proposta pedidu autorizasaun ba Parlamentu Nasionál atu halo levantamentu extraordinário ba fundu petrolíferu ho montante tokon atus rua resin aprovadu iha konsellu ministru Iha loron tolu 3 fulan juñu ne’e. Entretantu orsamentu millaun atus rua resin ne’e sei sustenta mákina estadu no tuir Fernando Hanjam atu selu mos pakote ekonómiku sira ne’ebé to’o oras ne’e seidauk implmenta inkuli subsídiu porsentu 60 ba traballadór no empreza.
Enkuantu Governu halo pedidu levantamentu extraordináriu ba fundu petrolíferu dala rua iha tinan ida nia laran iha ne’ebé ba dala uluk akontese iha fulan Abril ho montante tokon atus rua lima nulu no iha fulan ida ne’e husu tan tokon atus rua resin tamba konta tezouro menus nune’e governu labele halo pagamentu ba pakote ekonómiku balun ba COVID-19 ne’ebé seidauk implementa.Oct
