Primeiru Ministru (PM), Taur Matan Ruak, hateten Prezidente Autoridade Arsenio Bano, laiha imunidade tamba ne’e bainhira Tribunal bolu nia bele ba hatan, alende ne’e sosiedade Timor-Leste, abitua katigu uluk ema antes tribunal iha desizaun.
“Prezidente autoridade nia laiha imunidade, tamba ne’e bainhira tribunál bolu nia ba deit, Prezidente Repúblika, Membru Governu, no Parlamentu Nasionál, iha imunidade ne’e sei komplikadu, maibé Prezidenti autoridade laiha,” dehan, Xefi Governu, Taur Matan Ruak, iha Palasiu Governu, Sesta (12/06/2020).
Xefe Governu ne’e hatutan, kazu ne’ebé Prezidenti Autoridade iha, la fó impaktu ba nia servisu.
“Ne’e sei la fó impaktu tamba ita parte, ne’e prinsipiu prejuisaun inosensia, iha kazu barak Doutor José Luis Guterres, ba sai tia fali, iha tan kazu balun ba tribunal absolve, soke ita nia sosiedade mak, abituadu kastigu ema antes de tribunal hatudu, ha’u hanoin laiha problema” subliña, Primeiru Ministru Taur.
Primeiru Ministru haktuir liutan, nomeiasaun ba Prezidenti sesante ne’e iha koligasaun antes ne’e, no ohin (Sesta-red), fó tomada de posse ba Prezidenti Autrodade Arsenio Bano, iha koligasuan foun.
“Ne’e mai husi konjuntura polítika, ita bo’ot sira hatene nomeiasaun ida uluk ne’e, iha koligasaun ida uluk, ohin koligasaun foun entaun iha situasuan foun, entaun ita adapta-an, ba iha situasuan foun polítika ita nia nasaun nian,” tenik,PM Taur.
Xefi Governu ne’e hatutan, situasaun mak hanesan ne’e, buka konsensu no buka hatene, oinsa mak bele rezolve problema sira ne’e sem provoka sobre saltu.Cin
