Prezidente komisaun C ne’ebé trata asuntu finansas públikas, deputada Maria Angélica Rangel, informa, redasaun final ba pedidu Levantamentu Fundu Petrolíferu (LFP) ho montante tokon USD 286.06 ne’e aprovadu iha komisaun ona, tanba ne’e iha parte lorokraik (24/6) sei haruka kedas ba Prezidente Repúblika (PR), Francisco Guterres Lú Olo atu promulga.
Deputada Fretilin ne’e afirma, relatóriu final ba LFP ne’e aprovadu iha komisaun ho votu a favor 8, kontra 0 ho abstensaun 4.
“Ami nia funsaun hanesan komisaun mak ohin halo redasaun ikus hodi aprova fila fali iha komisaun no mós haruka fila ba Prezidente PN atu nune’e bele haruka kedas ba PR hodi halo promulgasaun, karik aban ita bele haree nia rezultadu,”haktuir deputada Rangel iha PN, Kuarta (24/06/2020).
Husi montante ne’ebé Governu husu autorizasaun tokon USD 286.08, Parlamentu Nasionál konsege redus ona ba tokon USD 286.06, tanba aumenta de’it ona ho osan fundu COVID aloka ba PN USD 500 mil ne’ebé la konsege ezekuta no fila ba kofre Estadu.
Entertantu, pedidu levantamentu fundu petrolíferu daruak ne’e, passa iha Parlamentu Nasionál, ho votu a favor 43 kontra 0 ho abstensaun 18.
Antes ne’e, Governu da-ualu mós halo ona transferénsia estraórdináriu ho montante tokon USD 250 ne’ebé kompostu hosi rekooperasaun ekonomia, prevensaun COVID-19 no tokon USD 100 fila ba kofre Estadu. Say
