Durante ne’e líder karismátiku Kay Rala Xanana Gusmão hala’o vizita ba munisípiu sira hodi haree besik kondisaun povu sira nian nune’e iha biban ne’e fó apoiu mós nesesidade bázika ba kbi’it laek sira. Tanba ne’e, Laureadu Nobel ba Paz, José Ramos Horta, husu ba líder nasionál sira atu buka tuir Kay Rala Xanana Gusmão hodi koalia ba malu, liu-liu pozisaun ne’ebé hetan ne’e temporáriu.
“Ha’u haree povu sira simu Xanana iha Suai, Bobonaro iha Bazartete inkrivel, maun Xanana povu fiar duni, ha’u hakfodak haree povu tanis. Tanba ne’e maka ha’u husu ba líder sira hotu atu buka koalia ho maun Xanana, ha’u la temi líder nia naran maibe se bele hakat-an ba Maun nia uma, dala ruma ita haluha tiha ita-nia pozisaun, pozisaun ne’e buat ida temporáriu, uluk ha’u Prezidente ha’u ba vizita Maun Xanana, nia mai bei-beik ha’u nia office la para, Xanana konvida ou la konvida ita ba de'it nia uma”, dehan Horta iha Xanana Reading Room, Sábadu (20/06/2020).
Ramos Horta dehan iha tempu Xanana sei halo diálogu ho lideransa nasional sira, maibe data ne'ebe atu halo dialogu Xanana maka sei determina, ne’e la signifika Xanana la respeita sira, maibe sei haree ba tempu.
Nia hatutan no husu ba ema hotu labele politiza asaun karidade ne’ebé Xanana halo ba povu kbiit laek sira, tanba asaun ne’e puramente Xanana rasik maka hakarak la’os tanba polítika.
“Ne’e asaun karidade husi maun Xanana, ne’e la’os politiza”, dehan tan Ramos Horta, bainhira husu nia hanoin kona-ba líder partidu politiku balun hateten Xanana nia asaun ne’e polítizasaun.
Antes ne’e líder karismátiku ne’e hala’o asaun karidade ba munisípiu sira ne’ebé povu barak simu líder ne’e ho matan-ween. Nes
