Prezidente Parlamentu Nasional (PPN), Aniceto Guterres haktuir, aktu husi deputada bankada KHUNTO Olinda Guterres ho deputada bankada CNRT Fernanda Lay, ne’ebé baku malu iha Parlamentu Nasionál ne’e implika ba Orgaun lejisladór, tanba sira nudar reprezentante povu.
“Klaru degnidade parlamentu mas nene’e aktu individual, deputada ninian, sé ita koalia degnidade ne’e, ema uza linguagen impropriu deit mós ida ne’e afeita ba dignidade instituisaun ninian, dignidade instituisaun no mós dignidade deputada ne’e rasik,” hatete, PPN Aniceto Guterres, ba Jornalista sira, Sesta (19/06/2020), iha Parlamento Nasionál.
PPN Aniceto Guterres esplika liutan, bainhira Deputadu balun hetan agresaun fíziku husi Deputadu seluk, sira iha direitu hodi halo keixa hodi tuir prosesu lei.
“Se iha ona agresaun fíziku, ne’e mós buat krime ida, deputadu sira ne’ebé senti hetan atake, hetan agresaun fíziku nia bele kestiona ba tribunal, para lem de tenki hadia mós ninia linguagen própriu ne’ebé iha dala para atu, tuir rezimentu ne’e sei Deputadu ida, hasai linguagen ne’ebé ladiak ofende Deputadu seluk, Deputadu ne’e iha direitu halo defeza de oñra ho liafuan iha seksaun nia laran kedas, ne’e komportamentu ne’ebé depende ba Deputadu ida-idak nian”, esplika, PPN ne’e.
Dezentendementu ne’e mosu, bainhira komisaun D ho komisaun C hala’o hela audiensia ho ministeriu sosiál, hodi deskuti pedidu levantamentu fundu petrolifero. Jen
