GMN TV Politika PPT husu PM Taur elimina Armanda Berta husi Vise PM

PPT husu PM Taur elimina Armanda Berta husi Vise PM

0 views

Prezidente Partido Trabalhista (PPT), Angela Freitas, husu Primeiru Ministru (PM), Taur Matan Ruak, atu imediatamente elimina Armanda Berta dos Santos hosi pozisaun hanesan Vise Primeiru Ministru ho Ministra Solidariedade Sosial no Inkluzaun (MSSI), tanba deskonfia nia orijinalidade sidadaun Estranjeiru.

Angela mós konta katak, Vise Primeiru Ministru, Armanda Berta nia aman hosi Portugál no nia Inan hosi Indónezia, tanba ne’e tuir nia la merese atu assume kargu polítiku iha Timor-Leste.

“Partidu Trabalhista husu PM Taur Matan Ruak, atu elimina imediata ba Vise PM, tanba Timor-oan Maubere barak mak matenek no kualifikadu, atu bele ka’er pasta ida ne’e, ita labele hatun dignidade nasaun iha mundu internasionál, ita presiza lideransa ne’ebé ho integridade no responsabilidade. Ita labele halimar fali ho nasaun nia vida, no labele halimar ho povu nia moris, tanba povu ida ne’e ki’ak Rabat rai, maske riku ho mina, tanba ita fó dalan ba ema estranjeiru sira mai harahun ita nia unidade no aproveita haburas sira nia forsa iha rai laran, kria grupu krime organizadu, atu harahun ita nia soberania, tanba ne’e hapara aktus ne’ebé sei rezultad ita nia maubere sira atu sai vítima ba prosesu ida ne’e.”deklara Angela Freita liuhosi konferensia da imprensa iha sede partidu, Bairro Formoza, Kinta (04/06/2020).

Hatán ba deklarasaun ne’e, família hosi Ministra Solidaridade Sosial Inkluzaun (MSSI), atu keixa Angela Freitas ba Tribunal, tanba konsidera akuzasaun refere falsu, no la merese atu fó sai iha públiku, tanba ne’e, família hosi Armanda Berta mós konsidera deklarasaun refere hanesan ódiu no vingansa.

“Difamasaun ne’ebé mai hosi Angela Freitas ne’e ami la konkorda, Sra. Ministra sosial nia aman ho ha’u-nia aman maun alin rasik, inan ida aman ida, boot mak ha’u-nia aman no ki’ik mak ministra nia aman. Iha 1975 mak ami halai ba ami nia munisipiu Ainaro, 1976 Indonézia tama iha Ainaro, ami kontinua kedas ba ai-laran, maibe ami nia inan aman la aguenta situasaun, ho hau nia feton ministra ne’e rasik mai fali vila, maibe hanesan maun boot, hau mak kontinua ba ai-laran halo gerrila, to’o 1993 mak ema kaptura iha Mantasi. Hau prontu responsabiliza, tanba ne’e ami hein de’it desizaun hosi Konselleiru másimu Khunto nian, atu bele prosesa aktu ne’e ba Tribunal hodi hetan lia loos.”afirma representante família, Ventura La Book.

Enkuantu,  ministra solidariedade sosial no inkluzaun,  nu’udar mos VIse Primeiru ministru, Armanda Berta dos Santos,  moris iha Maloa Díli, iha loron 11, fulan Outubru, tinan 1974, hamutuk maun alin na’in 9.

Oan hosi Amana Pedro Diaz, hosi uma lisan Daisua,  Soro munisípiu Ainaro, no inan naran Iria Berta hosi lisan Bertai, Suku Soro postu administrativo Ainaro Villa,  munisipiu Ainaro.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker