GMN TV Politika Ramos Horta: Estrutura Governu TL boot liu kompara ho Austrália no Indonézia

Ramos Horta: Estrutura Governu TL boot liu kompara ho Austrália no Indonézia

0 views

Eis Prezidente Repúblika José Ramos Horta, hatete membru Governu Timor–Leste (TL) nian ne'e barak liu kompara ho membru governu sira iha Australia no Indonesia.

Timor–Leste, nasaun ki'ik ne'ebe agora dau-daun ne'e iha membru Governu 43, maibe Indonesia nasaun boot iha Azia ne'e iha de'it membru governu 34 no Australia iha membru governu 23, inklui ho Primeiru Minsitru no iha ministru externu 7.

 “Membru Governu barak loos, kuaze 40 liu fali Indonesia, liu fali Austrália nian, konsege halo koordenasaun ka lae, halo prosesu integradu ka lae, tamba Governu buat hotu hamutuk buat hotu transfersal, laiha ida que importante liu no laiha ida que laiha importansia, maibé papel importante liu mak Primeiru Ministru nian, tamba PM koordena, disiplina no garante ezekusaun orsamentu jerál Estadu ho kualidade, tenki garante ba povu, tenki kumpri promesa, kumpri sira nia kna’ar, sira nia responsabilidade, susesu ka failansu ne’e responsabilidade bo’ot PM maka númeru um”, dehan  José Ramos Horta,  ba jornalista JNDiario, Tersa (23/06/2020), iha iha Eskola Bazika Centrál Fatumeta.

Laureadu Nobel da Paz 96 ne’e duvida katak estrutura governu bo’ot, ne’ebé lideradu husi Primeiru Ministru Taur Matan Ruak, ne’e bele garante kualidade ezekusaun Orsamentu Jerál Estadu ka lae.

Eis Prezidente Repúblika ne’e mos husu ba Primeiru Ministru, Taur Matan Ruak, atu koordena ho membru governu sira, atu labele hamosu failansu, liu-liu iha prosesu ezekusaun Orsamentu Jeral Estadu.

“Sira simu pose, halo juramentu Governu iha de’it tinan 2 nia laran, para hatudu se Governu ne’e vale ka lae, atu halo diferensia ruma ka lae Governu, ha'u hanoin Taur Matan Ruaknian, maibé kuaze que Governu foun ho metade ou dois tersus foun”, hatete Ramos Horta.

Membru governu foun ne’e sei simu husi Prezidente Repúblika,Francisco Guterres Lú-Olo iha Kuarta (24/06) maka, Vise Primeiru Ministru José Reis (Fretilin), Ministru Koordenador Asuntus Ekonomiku Joaquin Amaral (Fretilin), Ministra Negósiu Estranjeiru Adalgiza Magno (Fretilin), Ministru Edukasaun Joventude no Desportu, Armindo Maya (Fretilin), Ministru Turízmu Komérsiu Indústria José Lucas da Silva (Fretilin), Ministru Interior Taur Matan Ruak (PLP), Ministru Petróleo no Minerais  Victor Soares (Fretilin),Vise Ministru Negosiu Estranjeiru no Kooperasaun Julião da Silva (Khunto), Vise Ministru Justisa Edmundo Caetano (Khunto), Vise Ministru Administrasaun Estatal Lino Torrezão (Fretilin), Vise Ministru Saúde Bonifácio Maucoli (PLP), Vise Ministru Edukasaun Joventude no Desportu António Guterres (Khunto), Vise Ministru Komérsiu Indústria Domingos Lopes Antunes (Fretilin) no Inásia Teixeira (Fretilin), Vise Ministru Agrikultura no Peskas, Abílio Xavier de Araújo (Khunto), Vise Ministru Interior António Armindo (Khunto), Sekretariu Estadu Formasaun Profisional no Empregu Alarico do Rosário (Khunto), Sekretariu Estadu Koperativas Elizário Fereira (Fretilin), Sekrariu Estadu Peskas Elídio de Araújo (Khunto), Sekretariu Estadu Joventude no Desportu, Abrão Saldanha (Fretilin), Sekretariu Estadu Protesaun Sivil Joaquim dos Reis Martins (Khunto). Entretantu total membru governu iha governasaun dawalu hamutuk 43.Tos


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker