GMN TV Politika Ramos Horta: Ho Xanana mak TL hetan vitória ba ukun rasik-an

Ramos Horta: Ho Xanana mak TL hetan vitória ba ukun rasik-an

0 views

Eis Prezidente Repúblika (PR) no Lauriadu Nobel da Paz 1996,  José Ramos Horta, hatete, ho líder vizionáriu Kay Rala Xanana Gusmão, maka ohin loron Timor-Leste (TL) hetan vitória ba ukun rasik-an.

Diplomta senior Timor-Leste nian ne’e hatete, maske la konsege tuir selebrasaun misa aniversáriu Xanana ninian ba da-74 iha Igreja Parokia Imaculada da Conceição Balide, maibé ho laran luak hakarak mai partisipa seremonia kalan fraternizasaun ne’e tanba konsidera ho Xanana maka luta ne’e moris fila-fali to’o referendu iha tinan 1999.

“Ha’u labele falta maun Xanana nia tinan. Ha’u labiban ba misa tanba to’o tarde. Maibe ohin ha’u to’o hariis mai kedas iha ne’e. Tanba nia maka ita-nia luta moris fila-fali, organiza, reorganiza, to’o vitória referendum iha 1999”, dehan Horta iha Xanana reading room, Sábadu 20/06/2020.

Ramos Horta mos husu ba líder partidu polítiku sira lalika halo propaganda tun sa’e, maibe tenke rekoñese Xanana ho ninia Governasaun hirak liu ba, tanba estrada didiak ne’ebe ema hotu liu ba-mai, ne’e tanba lideransa Maun bo’ot Xanana nian.

“Balun husu bebeik dehan 10 bilioens ne’e gasta ba ne’ebé? Ha’u dehan gasta buat barak, ita bo’ot sira la haree karik, klaru balun la kualidade, mas ida ne’e tanba natureza ita-nia rai nune’e ona, udan mai ita bele halo estrada ne’e diak 100% mas la aguenta tanba ha’u ba haree ho ha’u-nia matan”,dehan Horta.

Ramos Horta mós fiar katak tempu besik líder karismátiku ne’e sei kria diálogu ida ho lideransa sira seluk  hodi fó solusaun ba situasaun polítika atuál.

Ramos Horta mos apresia ho Xanana ne’ebé hakat ona ba tinan 74, maibé sei aguenta halo viajen ba munisípiu hodi haree kondisaun povu sira nian.

“Xanana nia tinan ne’e pelo menus ita marka prezensa maka ne’e deit, tanba ha’u respeita maun bo’ot Xanana ho líder sira hotu. Prezidente Lú Olo halo tinan ha’u ba, Alkatiri halo tinan ha’u ba, Taur Matan Ruak nia tinan mos ha’u ba, tanba sira ha’u-nia kolega, ha’u-nia kompañeiru tempu luta to’o ohin loron”, nia dehan. Nes


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker