GMN TV Politika Rogério Lobato: Alkatiri uza FRETILIN ba nia interese no nia sobu unidade

Rogério Lobato: Alkatiri uza FRETILIN ba nia interese no nia sobu unidade

0 views

Eis Komandante FALINTIL, Rogério Lobato, hatete, situasaun polítika rai-laran halo nia triste, liu-liu nia haree partidu FRETILIN ida agora ne’e Marí Alkatiri uza ba interese pesoal, ba nia família no nia grupu no nia sobu unidade ne’ebé mak iha ona entre líder sira iha Timor-Leste.

Nia uza FRETILIN para hatudu nia poder, nia hasai tiha deit FRETILIN ne’e nia poder laiha, nia la kria unidade nia sobu unidade entre líder sira iha Timor ne’e. FRETILIN ne’e nunka kontra buat ida hadia povu nia moris ne’e, problema mak Marí Alkatiri ne’e nia mak halo tiha FRETILIN ne’e hanesan nia kompañia unipessoal, nia uza ba nia interese pesoal, nia uza ba nia interese pesoal, ba nia ego”, dehan eis komandante FALINTIL Rogério Lobato ba GMN Segunda (8/6/2020), husi Inglaterra.

Tuir Rogério Lobato, alin husi Saudozu Nicolau Lobato ne’e katak, nia sei fila mai Timor atu hadia buat ne’ebé la’o sala iha FRETILIN ne’ebé lidera husi Marí Alkatiri ho Francisco Guterres Lú Olo.

“Ha’u sei ba Timor hamutuk ho líder sira iha Timor atu hadia ita-nia rai, atu hadia FRETILIN. Ha’u militante FRETILIN nian, primeiru tenke hadia uluk FRETILIN. Tanba FRETILIN partidu ida bo’ot teb-tebes”,dehan Rogério Lobato.

“Ha’u hakerek karta aberta ho entrevista iha jornal, ha’u mak hakerek karta ne’ebé fó sai ona. Ha’u koalia liu ba FRETILIN, tanba nia partidu ida bo’ot teb-tebes atu bele hadia para ba ita nia rai. Ha’u hakarak hadia FRETILIN. Hadia FRETILIN primeiru hasai Sekretáriu Jeral FRETILIN (Mari ALkatiri)

FRETILIN la’os ema ida ninian. Maun Nicolau Lobato dehan FRETILIN é ao povo, é Povo é FRETILIN. FRETILIN ida agora ne’e FRETILIN Marí Alkatiri nian, FRETILIN ida Marí Alkatiri ho nia família nian”,

Hadia FRETILIN tenke tuir lei ne’ebé iha. Iha 2021 iha eleisaun FRETILIN nian.

“Ha’u sei tama iha Timor tanba COVID-19 mak ha’u iha ne’e, tanba ha’u moras mak iha liur, maibe ha’u diak ha’u sei ba Timor. Timor ha’u-nia rai, ita hotu nia rai, ha’u sei tama iha Timor ba iha ne’eba hamutuk ho kamarada FRETILIN haree oin saida mak bele hadia FRETILIN. Ha’u nia ideia é que FRETILIN ne’e labele ema ida ninian, FRETILIN ne’e tenke ema hotu ninian, agora FRETILIN ida aktual ne’e, FRETILIN ida Marí Alkatiri nian, ho nia família nian, ho nia grupu nian, ne’e labele! Ha’u konkorda atu konkore ba lideransa tenke liu husi prosesu”,haktuir eis Ministru Interior Rogério Lobato.

Iha tempu liu ba hili Marí Alkatiri ho Prezidente FRETILIN Francisco Guterres Lú Olo ne’e lista únika, laiha tan seluk.

“Komete saida? Iha tempu liu ba ne’e lista únika, ne’e laiha tan. Marí ho Lú Olo mesak mak iha lista únika, ne’e mak dehan halo eleisaun direta. Eleisaun direta laiha kandidatu sira seluk, ne’e eleisaun direta ne’e oin saida? Ne’e ema hotu tenke obrigado vota ba lista ida ne’e. iha momentu ne’e ha’u mos ba vota hotu. Iha lista sira nain rua nian (Alkatiri ho Lú Olo) depois lista ida seluk ne’e mamuk. Loloos lista ida mamuk ne’e tau mos ema balu que ba tur iha ne’eba, so que momentu ne’e laiha kondisoens, laiha kondisoens para ema bele konkore ho sira-nain rua, sira mak la kria kondisoens atu iha kandidatu seluk, labele hanesan ne’e”,afirma Rogério Lobato.

Rogério Lobato mos la konkorda ho polítika aktual ne’ebé mantein nafatin VIII Governu, tuir loloos tenke iha nono Governo.GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker