GMN TV Politika Sahat Sitorus rona direta situasaun polítika no dezenvolvimentu husi PR Lú Olo

Sahat Sitorus rona direta situasaun polítika no dezenvolvimentu husi PR Lú Olo

0 views

Embaixadór Indonezia ba Timor-Leste, Sahat Sitorus, rona direta situasaun polítika no dezenvolvimentu infraestrutura iha Timor –Leste, husi Prezidente Repúblika (PR), Francisco Guterres Lú Olo.

Sahat Sitorus informa, objetivu enkontru ho Xefe Estadu ne’e, hodi rona direta kona-ba, situasaun polítika ne’ebé dadaun ne’e, akontese iha rai laran , inklui mós kona-ba dezenvolvimentu iha Timor-Leste.

“Esplika kona-ba situasaun politíka, akontese dadauk ne’e hahu husi Janeiru no nia mós fó informasuan kona-ba dezenvolvimentu balun ne’ebé diak tebes, hanesan nasaun viziñu ha’u mós kontente ho dezenvolvimentu iha Timor-Leste ho polítika ne’ebé ho estabilidade tuir regra no espera Governu no povu bele halo infrastutura ho lalais, liu-liu wa’inhira surtu COVID-19 ne’e remata bele fila hikas ba moris normal,” Sahat Sitorus hatutan.

“Iha ne’e prezidente republika esplika ona desenvolvimentu hirak ne’e mai hau no espera governu bele lao diak tuir lei ne’ebé iha, ami hakarak hare’e governu no povu timor bele diak, iha parte kombate covid-19”, dehan Embaixador Indonezia, Sahat Sitorus, iha palásiu prezidensial Nicolau Lobato, Bairro-Pite, Tersa (09/06).

Embaixador ne’e, kongratula Estadu Timor-Leste, tanba serbisu makas, hodi luta kontra COVID-19 no konsege rekoperadu hikas surtu refere, no dadaun ne’e, seida’uk rejistu kazu foun ho konfirmadu coronavírus.

“Hau fó parabens tanba ita bele hasoru COVID-19, ne’ebé ema na’in 24 rekopera no laiha ona deteta kazu foun durante loron 40, susesu ida ne’e mai, tanbá ita hotu halo tuir regra ne’ebé WHO fó sai ona ema hotu bele la’o ho diak, Governu Indonezia mós kontinua halo surveylance atu nune’e labele iha ema ruma mak la’o tuir dalan ilegal sira tanbá ne’e perigu, karik la liu husi kuarentena, ami espera iha Indonezia COVID-19 bele kontroladu liu-liu iha provinsia NTT tanbá besik kedas Timor-Leste, obrigadu ba PNTL no F-FDTL”,agradese, embaixadór ba Timor-Leste Sahat Sitorus.

Alende ne’e, Sahat Sitorus iha esperansa, Governu Timor-Leste sei rezolve situasaun inzerteja ne’ebé la’o iha laran, atu nune'e labele fó implikasaun ba dezenvolvimentu infraestrutura no lori moris di’ak ba povu no nasaun Timor-Leste.Ina


Banner

Foto

Notisia Ikus

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker