Sekretariu Estadu Meiu Ambiente (SEMA), Deometrio do Amaral hatete, Sekretariada Estadu Meiu Ambiente(SEMA) prodúz manual projetu fundu klimátiku ne’ebé hanesan matadalan hodi bele kapasita liña ministerial nune’e bele kompriende diak liu tan kona- ba fundus.
“Ohin ita lansa manual ida,husi autoridade zignada nasionál,hodi nune’e ita bele iha kapasidade diak liu tan, ajensia dezenvolvimentu sira, sira ne’eb’e servisu iha Timor-Leste no mós liña ministerial sira bele familiariza ho prosidementu iha manuál ne’e, atu nune’e bele asesu fundus ne’e ho diak liu tan,”afirma, Deometrio Amaral ba Jornalista sira,Kuarta(10/06/2020), iha Akait-Díli.
Deometrio mos esplika, oras ne’e sira kontinua esforsu hodi kontrola ba ambiente, atu komunidade sira labele estraga, maibé realidade komunidade kontinua kontra regras hirak ne’e.
“Ita halo servisu hodi kontaktu ho autoridade lokál sira tanba autoridade lokál sira mak iha teritoriu direita ba aldeia sira, husi kordernasaun ho autoridade lokál sira, uza mekanismu ne’ebé sira iha rasik hanesan aplikasaun lei tara bandu sira, mekanismu sira ne’e existensia iha baze, uza lei tara bandu la to’o, ita bele uza kodíku penál, kodíku penál ne’e dehan, sunu rai ne’e krime ambientál no mós fan balada fuik sira iha dalan sira ne’e krime ambientál, ne’ebé ami nia ekipa sei kaer hodi halo expensaun sei kaer,”esplika, Deometrio Amaral.
Manual ne’ebé Sekretario Estadu Meiu Ambiente prodúz menus husi copia atus ida.Jen
