GMN TV Politika Semana oin Governu halo pagamentu subsídiu USD 100.00 ba kada família

Semana oin Governu halo pagamentu subsídiu USD 100.00 ba kada família

0 views

Ministériu Solidariedade Sosial no Inkluzaun (MSSI) hamutuk ho Banko Nasionál Komersiu Timor-Leste (BNCTL-sigla Portugés), sei halo pagamentu subsídiu USD 100.00 ba kada família iha Munisípiu 12 iha loron Tersa (9/6/2020), la inklui Rejiaun Administrativa Espesial Oe-Cusse Ambeno (RAEOA).

“Apoiu umanitária  sei benefisia uma kain hamutuk 298.119 iha Munisípiu 12 la inklui RAEOA”, dehan Vise Primeira Ministra, Armanda Berta, liu hosi konferensia imprensa,  Kuarta (03/06/2020) iha Kaikoli, Díli.

Vise Primeira Ministra haktuir, montante orsamentu ne’ebé sei halo pagamentu ba subsídiu USD 100.00 ba fulan 2 hamutuk, 59,623,800.00, la inklui RAEOA tanba RAEOA sei hein prosesu transferensia osan hosi Ministériu Finansa ba konta bankaria RAEOA nian.

 “Husu ba uma kain sira atu kolobora ho ekipa pagamentu to’o iha momentu ekipa tun ba suku no aldeia hodi halo pagamentu no husu mós ba parte hotu nia koloborasaun no servisu hamutuk hodi mantein paz no estabilidade inklui kumpri rekezitus no lei ne’ebé vigora ona durante prosesu pagamentu”,dehan Armanda Berta.

Nia hatutan, kalendáriu ba pagamentu ne’ebé sei halo ba Munisípiu 12 tuir orariu, sei hahú iha Tersa feira loron 9 fulan ne’e, hodi realiza tuir orariu pagamentu suku ne’ebé iha no durasaun ba pagamentu ne’e rasik sei halo durante loron 14.

Ministru Administrasaun Estatal, Miguel Pereira de Carvalho, hatete, dekretu lei númeru 15/2020 benefisiáriu hosi subsídiu mak família sira, ne’ebé rejistadu iha fixa família iha loron 30, iha suku.

 “Governu prolonga atu rejista husi loron 1 fulan Abril to’o 8 de Maio hodi bele iha tan rejistu adisional iha suku sira, entaun bazea ba dadus sira ne’e MAE halo rejistu uma kain por volta 330 mil  444 xefe familias, ne’ebé lori ba MSSI atu halo fali verifikasaun dadus ne’ebé iha menus hosi dadus ne’ebé MAE halo”.

Tanba ne’e, dadus ne’ebé fó sai hosi MSSI ba benesiariu hamutuk 298.119 mak sei ba taka iha kada suku no aldeia sira no benefisiaru ne’ebé naran iha mak iha direitu atu simu osan ne’ebé governu distribui.

Iha fatin hanesan, Governadór Banko Nasionál Komersiu Timor-leste (BNCTL-sigla Portugés), Brígido de Souza, hatete, komforme akordu no oráriu  ne’ebé aprovadu BNCTL sei halo pagamentu  ba ekipa hosi kada suku iha Postu Administrativu  sira hahú hosi loron 8, fulan Juñu, tinan ne’e.

“Simultaneamente iha Munisípiu 12 ho durasaun loron 3 no sei  konklui  iha loron 10, fulan Junu, tinan  2020. Ekipa pagamentu suku mak resposabiliza halo pagamentu  ba kada benefisiáriu  iha suku no Aldeia”,dehan Brígido.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker