Uma kain besik rihun 3 (2979) iha munisípiu lima (5) iha rai klaran ne’ebé afetadu insendiu iha tinan kotuk hetan ona apoiu USD 933.806 husi Governu.
“Iha Outubru, tinan 2019 ne’ebé afetadu husi insendiu forte no anin ne’ebé akontese iha munisípiu sira hanesan, Ainaro, Aileu, Bobonaro, Ermera no Liquica. Populasaun afetada sira simu ona apoiu ho valor 933.806 no bens alimentar no naun alimentar sira, inklui material konstrusaun sira”, Ministru Prezidensia Konsellu Ministru (MPKM), Fidelis Manuel Leite Magalhães, hafoin reuniaun Komisaun Interministerial iha Palásiu Governu, Segunda (22-06-2020).
Sekretáriu Estadu Protesaun Sívil, Alexandrino de Araujo, iha reuniaun interministerial ba análisa resposta dezastre naturais, Segunda ne’e, aprezenta dadus detallu kona-ba apoiu sira ne’ebé fo ona ba vitima insendiu iha tinan kotuk.
Alénde ne’e Alexandrino mos aprezenta dadus apoiu ba rekuperasaun ba Colégio de Sagres Maliana ne’ebé hetan insendiu iha loron 1, fulan Marsu.
Iha reuniaun interministerial ne’e, Vise-Primeira-Ministra no Ministra Solidariedade Sosial no inklusaun (MSSI), Armanda Berta aprezenta mos dadus kona-ba apoiu ba populasaun husi MSSI no kooperasaun ho ministériu no organizasaun sira seluk, hodi fo apoiu ba vítima sira ne’ebé hetan dezastre naturais. Oct
