GMN TV Capital Xanana: Ha’u mesak labele halo buat ida

Xanana: Ha’u mesak labele halo buat ida

0 views

Eis Prezidente Repúblika, Kay Rala Xanana Gusmão, hatete, nia mesak deit labele rezolve povu Tasi-Tolu nia problema ne’ebé kauza husi siklone Seroja liu ba hodi estraga estrada no mos bee Lagoa sa’e tama populasaun sira-nia uma.

Líder karismátiku, Kay Rala Xanana Gusmão hato’o lia hirak ne’e Sábadu (5/6/2021), iha seremonia agradesimentu ba Timor-oan sira ne’ebé iha kbiit no komunidade sira ne’ebé tama iha X Team, hafoin normaliza estrada ne’ebé hetan estragu hafoin dezastre naturál ne’ebé akontese iha Timor-Leste.

“Ha’u mesak labele halo buat ida, uluk atu ba eskola ha’u ba tíha ikan kal-kalan hodi bele selu eskola, mas buat seluk ha’u labele halo, se imi emprezáriu sira maka la rona ha’u-nia apelu mai iha ne’e, bainhira hahú prosesu ida ne’e bee to’o iha ne’e (ain-tur), agora menus ona. Tanba ne’e imi hotu, la temi ida ne’e, ida ne’eba, maibe prosesu ne’e kaer ita hamutuk nu’udar team ida”, dehan Xanana no hetan basa-liman maka’as husi populasaun sira. Xanana dehan tan, seremonia iha ne’e, atu espresa agradesementu bo’ot.

“Ha’u lori Aaldeia 12 de Outubru husi bairu 12 nia naran maka agradese imi ne’e, ema ida labele halo buat ida, tanba ne’e hotu ha’u-nia partisipa maka ohin ita halo agradesimentu, karik naran balun la temi, iha loron seluk ami sei temi, ne’ebé husu deskulpa ba sira ne’ebé naran la temi karik”,dehan antigu líder rezisténsia ba libertasaun Timor-Leste, Xanana Gusmão.

Xanana Gusmão, hatete, kontente tanba ohin komunidade sira bele hamnasa, tanba ne’e maka apresia tebes ho hotu-hotu ne’ebé partisipa iha ne’e, laos tanba Xanana maibe hotu-hotu nian.

Iha fatin hanesan Supervisor Jeral X Team, Samuel Marçal, fó agradesimentu tanba Timor iha lideransa ne’ebé hadomi nia povu, sentimentu hanesan povu no mai husi povu.

“La’ós foun ba ita, antes ne’e kuandu iha problema maun Xanana sempre fó apoiu ba komunidade sira, agradese mos ba komunidade Tasi-Tolu ne’ebé durante ne’e fó apoiu liu-liu X Team no Timor-oan ne’ebé iha kbiit ne’ebé fo kontribuisaun bo’ot tebes ba problema ne’ebé komunidade Tasi-Tolu hasoru”,dehan Samuel.

Nune’e mos, reprezentante Timor-oan ne’ebé iha kbiit Sanção Gomes, hatete, nu’udar Timor-oan prontu apoiu iha kualker asaun ne’ebé Kay Rala Xanana Gusmão halo.

“Hanesan saida maka ami hatudu ona durante ne’e, atu rahun ou dodok mos ami nafatin iha maun bo’ot nia kotuk, hanesan membru X Team afirma dala ida tan ami prontu hamrik iha Maun Bo’ot nia kotuk hodi hateke no la’o ba oin”,dehan nia. Nes

 


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker