GMN TV Politika Joven lakon konfiansa ba ukun na’in sira

Joven lakon konfiansa ba ukun na’in sira

473 views

Diretór Ezekutivu Asia Justice and Right (AJAR), José Luis de Oliveira hateten, polítiku sira ne’ebé ukun tenke kria kondisaun ba joven sira atu prepara ba futuru nasaun nian, hodi prevene sira sai hotu ba rai-liur, buka servisu.

Tuir José Luis, se ukun na’in sira la kria kampu servisu iha rai laran, joven sei sai hotu ba servisu iha rai liur, no estadu Timor-Leste sei hasoru difikuldade ba rekursu umanu atu dezenvolve nasaun, nune’e ema estranjeiru mak sei mai domina no goja rikusoin Timor-Leste nian.

"Aban bainrua governu ne'e atu ukun se? se joven sira ba hotu rai-liur, atu ukun de'it ferik katuas ka? Sira (ukun na’in) tenke dezenvolve nasaun ne'e fó esperansa ba joven, klaru katak ema ida-idak iha direitu atu ba buka moris iha rai-liur, maibé hanesan nasaun tenke orienta atu fó esperansa ba joven sira, tanba joven mak futuru nasaun nian. Ukun nain sira halo polítika hanoin de'it ba an, jerasaun no hanoin de'it jerasaun antigu sira, la hanoin katak nasaun ne'e tenke la'o ba oin, nune'e tenke halo polítika ida ne’ebé motiva joven sira, hodi joven sira bele sente iha motivasaun no vontade atu dezenvolve nasaun ne'e. Ida ne'e mak ukun na’in sira tuir loos halo, la'ós hamnasa kontente fali ho joven sira nadodon ba rai-liur ne'e, ba rai-liur ne'e alternativa ida, maibe papél prinsipál ne'e mak tenke dezenvolve rai fó esperansa mos ba joven sira”,dehan José Luis de Oliveira ba GMN, iha knaar fatin Farol, semana ne’e.

Sosiedade sivil ne’e konsidera promesa Oitavu Governu Konstitusionál ne’ebé tau iha programa iha 2018,  atu loke kampu servisu foun hamutuk 60.000 kada tinan, programa no promesa ne’e sai naben no laiha asaun ruma indika ba polítika ida ne'e, maske mandatu Governu ne’ebé viabiliza hosi Fretilin ne'e hela de'it tinan ida atu remata. Durante tinan lima governu prevé osan ho montante billiaun $1 to'o billiaun $3 iha Orsamentu Jerál Estadu, maibé la konsege loke kampu traballu.

Foin dadaun ne'e joven kuaze rihun rua dudu malu no sena malu iha sentru formasaun Bekora, hodi hadau malu atu tuir kursu lian Korea, to'o rezulta joven balun kanek no monu. Além de ne'e, joven barak mos loron ba loron nakonu iha embaixada Portugal no ajénsia ne’ebé fasilita trata dokumentu ba Ingaterra no Irlanda, parte ida tanba Timor-Leste nia polítika saláriu mínimu ne’ebé la sufisiente no la kondis ona ho situasaun atuál, no parte seluk laiha kampu servisu iha rai laran obrigadu ba buka servisu iha rai-liur, atu hadi’ak moris família nian no atu salva família hosi liña pobreza.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker