GMN TV Politika Lei Organizasaun Investigasaun Kriminál aprovadu iha PN

Lei Organizasaun Investigasaun Kriminál aprovadu iha PN

134 views

Parlamentu Nasionál (PN) aprova ona projetu lei númeru 40/ V 4a, lei da Organizasaun Investigasaun Kriminál (OIK), no  kontéudu hosi lei ne’e  atu separa kompeténsia entre Polísia Nasionál Timor-Leste (PNTL) ho  Polísia Sientífika Investigasaun Kriminál (PSIK) no Instituisaun Autoridade Judisiáriu sira nian.

“Projeitu lei númeru 40 ne’e iha artigu 9 define konaba, kompetensia Polisia nian ba investigasaun no artigu refere iha pontu 2 fó kompetensia ba PNTL, atu simu ordem hosi Ministériu Públiku ba krime sira ne’ebé difine iha númeru 2 ne’e, no iha artigu 10 pontu 2 espesífiku ba Polisia Sientífika Investigasaun Kriminál (PSIK), ne’ebé konsidera krime todan sira no abstrato ne’e fó ba PSIK”, dehan Prezidente Komisaun A, Deputadu Joaquim dos Santos, iha plenaria Tersa (14/06/2022) .

Deputadu Joaquim hatete, PSIK halo deit kna’ar bazea ba artigu 10 númeru 2 no krime hotu ne’ebé la difine iha artigu 10 númeru 2, entaun ne’e PNTL mak halo no artigu 10 pontu 2 ne’e krime sira ne’ebé preserve deit ba PSIK, maibé kuandu iha fatin balun PSIK la konsege kobre mak iha artigu 9 pontu 2 fó mós kompetensia ba PNTL.

“Iha tabela númeru 5 laos halo diskriminasaun injustu maibé bazea deit ba kodigu jeral no kodigu  penal nian mak la eskreve hotu iha ne’e, tanba ne’e laiha limitasaun ba kompetensia jenériku Polisia nian no PNTL mak kontinua hanesan orgaun importante iha prosesu investigasaun tanba ne’e Polisia, entaun  atu rezerva deit artigu 10 pontu 2 ba PSIK, esplika Deputadu Bankada FRETILIN.

Prezidente Komisaun A afirma, iha diskusaun konsege hare hosi artigu 147 Konstituisaun númeru 3 bele difine fiska rejime judisiais sira, nune’e lei refere fó kompetensia espesífku ba PSIK iha autoridade Judisiariu nia kompetensia no laiha artigu limite kompetensia jeneriku Polisia nian konaba, investigasaun kriminál.

Deputadu Bankada PD, Adriano do Nascimento hatete, iha diskusaun Komisaun debate ho seriu no orgaun ne’ebé halo investigasaun iha PNSIK, PNTL no PSIK mós seriu hodi debate konaba, kompetensia hirak ne’e, hafoin ne’e aseita hodi avansa nafatin ho lei ne’e.

“Ministériu Públiku mak nain ba asaun penal no investigasaun no Instituisaun sira ne’ebé halo investigasaun ne’e rezultadu ikus sei entrega ba Ministériu Públiku no MP mak titular hodi aprezenta ba Tribunál. Iha artigu 147 Konstituisaun konaba, kompetensia PNTL maibé iha artigu 147 númeru 3 mós hatete katak, Lei mak sei hatur Polisia ho Forsa seguransa seluk tan ne’ebé lei mak sei deside”.

Adriano Nacimento haktuir, hatutan mandatu Konstituisaun ne’ebé sei iha forsa seguransa seluk tan ne’ebé bele halo kompetensia ida hodi halo investigasaun nune’e bele ajuda MP no tanba ida ne’e mak iha kompetensia fahe kedas kna’ar PSIK no PNTL nian.

Ministru Justisa, Tiago Amaral Sarmento, hatete projeitu lei Organizasaun Investigasaun Kriminál importante tebes atu regula no define klaru liu tan kompetensia ba autoridade Judisiariu sira, liu-liu hirak ne’ebé hetan delegasaun kompetensia  hosi Ministériu Públiku atu halo kna’ar investigasaun ho inkeritu iha ambitu prosesu penal.

“Durante iha PSIK no KAK iha hetan delegasaun kompetensia hosi MP no lei ne’e mós difine klaru liu tan konaba, tipus krime sira ne’ebé sei delaga ba kada Instituisaun investigasaun sira hanesan PSIK ho KAK. Projeitu lei ne’e konsege difine halo klaru bazea ba kodigu penal Timor-Leste ne’ebé iha diskusaun laran Instituisaun relevante sira aseita tanba hare importante duni atu hare tia kna’ar kada Instituisaun investigasaun”.

Governante ne’e subliña, Governu agradese tebes tanba Instituisaun hirak hanesan PSIK ne’ebé durante ne’e iha Ministériu Justisa nia okos no Ministériu Interiór, presiza iha kooperasaun entre orgaun PSIK, nune’e medida espesiál sira ba investigasaun kriminál bele klaru  iha atuasaun no implementasaun bele halo kna’ar ho efetivu.Fel


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker