GMN TV Politika Prezensa Troféu Kopa Mundiál laiha vantajen ba povu

Prezensa Troféu Kopa Mundiál laiha vantajen ba povu

75 views

Diretór ezekutivu, Asia Justice And Rigth (AJAR), José Luis de Oliveira, konsidera, laiha vantajen hosi prezensa Troféu Kopa Mundiál ne’e ba povu Timor-Leste, tanba iha ámbitu vizita ne’e rasik fó prioridade liu ba polítiku sira, no mos elite sira, duke jogadór sira atu motiva sira hodi esforsu liu tan ba futuru.

José Luis Oliveira mós husu Governu atu halo transparénsia ba públiku, kona-bá utilizasaun osan iha eventu simu Troféu Kopa Mundiál ne’ebé ho de’it oras balun.

Tuir José Luis, di’akliu Governu hadi’ak no dezenvolve mak área desportu iha Timor-Leste, no investe hodi prepara jogadór ne’ebé di’ak ba futuru, duke gasta osan atu simu de’it troféu ne’e.

“Ha’u kestiona ida ne’e tanba ita laiha transparénsia, ha’u hatene katak eventu ida tour Troféu Kopa Mundiál ne’e inisiativa hosi FIFA ho apoiu hosi sponsor hosi Coca Cola, não me digas sira-nia inisiativa ne’e mai tama Timor ita mak tenke selu hotu sira ne’e mós hanoin la’e. Segundu mai ami hanesan klubu futeból kestiona buat ne’e, tanba federasaun futeból ho SEJD, sira la fó prioridade buat sira ne’e, to’o agora fulan Juñu ona liga futeból la la’o, sira trava hela osan federasaun futeból, babain liga futeból to’o Marsu sira ne’e la’o ona, ne’ebé orsida sira atu relata ba PN dehan ezekuta ona sira-nia orsamentu persentajen hira ne’e gasta ba saida?

Ne’e duni ha’u haree eventu ida ne’e mai atu dezvia atensaun públiku, kona-bá esensia loloos kona-bá dezenvolvimentu futeból iha Timor-Leste ne’e, eventu futeból ne’e liuhosi jogu sira ne’e, se jogu laiha atu lori troféu mundiál mai mós dezenvolvimentu futeból la la’o, kuandu jogu laiha no la fó atensaun ba klubu.

Enkuantu iha tinan kotuk klubu futeból sira ejize subsídiu, maibe Prezidente FFTL ne’e dehan klubu sira gasta osan arbiru de’it, agora ha’u kestiona fali sira, subsídiu mai hosi FIFA millaun ida ne’e FFTL gasta ba saida? Ha’u la haree vantajen ida, ema balun sente orgullu tanba 50 país, mai ha’u ne’e, ha’u la haree vantajen di’ak ida iha ne’e, so hanesan ita gasta de’it osan ba buat ida ita kontente iha oras balun nia laran de’it, kontente ida ne’e mós la fahe ba amantes futeból sira, ida ne’e fahe ba elite sira de’it, maibe elite sira ne’e lahatene tebe bola ida,” dehan Diretór ezekutivu AJAR ne’e ba JNDIÁRIO iha nia knaar fatin Farol, Segunda (13/06/2022).

Iha sorin seluk, Sekretáriu Estadu Juventude no Desportu (SEJD), Abrão Saldanha, klarifika, ba kustu preparasaun ne’e, Governu Timor-Leste aprova de’it dollar rihun 22.

Abrão  hateten, liuhosi vizita troféu mai Timor-Leste ne’e oinsa  hametin liu tan relasaun Timor-Leste nia ho nasaun sira seluk iha mundu liu-liu iha área desportu.

“Iha 15 ou 16 nasoens ne’ebé hadau malu atu hetan vizita ne’e ita ba halo negosiasaun ho FIFA liu -liu federasaun futeból maka ba halo negosiasaun ida ne’e federasaun ba halo negosiasaun, no sira foufoun la aseita atu mai ita-nia rain tamba ita-nia rain preokupasaun bo’ot mak seguransa iha ka la’e. Kona-ba kustu ne’ebé Governu com promete hodi fó apoiu ba federasaun no ba ida ne’e kustu seluk ne’e FIFA nia federasaun mak organiza ho FIFA ho komisaun organizadorá mak organiza Governu fó apoiu ba eventu ida ne’e 22 mil, 22 mil husi kustu seluk ne’ebé maka sira seluk kobre ba ida ne’e no 22 mil ne’e ita hatene ita mobiliza bee, média Bombeiros iha hahán ruma, nune’e ida ne’e mak Governu apoiu ba ita-nia rain,”esplika Abrão Saldanha.

Kona-bá informasaun ne’ebé espalla iha públiku katak Troféu ne’ebé mai la’ós orijinál, governante ne’e konfirma, informasaun refere laloos.

“Kona-ba nia valór sira ita keta haluha ita konsege restaura fali konfiansa ho federasaun internasonál liu husi ita tranzisionál, atividade ita iha akordu ho federasaun futeból ba dezenvolve futeból nune’e bele inspira konfiansa liu tan agora ho troféu ne’e konfiansa  di’ak liu tan hanesan parseiru ida sira tinan-tinan agora investe iha ita-nia rain mais de um millaun dezenvolve futeból, ohin dader ami sei konkorda malu tan depois de visita troféu ne’e sira aseita tan ajuda ita dezenvolve harii estádiu hadi’ak ita-nia estádiu iha Díli hadi’ak liu tan sede federasaun futeból nian no kampu demokrasia no sira compromete aban bainrua dezenvolve liu tan infrastrutura futeból nia iha munisípiu sira,”haktuir Abrão Saldanha.

Troféu Kopa Mundiál ne’e vizita Timor-Leste kuaze oras neen nia laran de’it, ne’ebé úniku Xefe Estadu José Ramos Horta mak konsege hi’it direta troféu refere, no komunidade sira hateke deit.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker