GMN TV Politika Prezidente KKLN husu foin sa’e sira atu kria estabilidade

Prezidente KKLN husu foin sa’e sira atu kria estabilidade

71 views

Prezidente Konsellu Kombatente Libertasaun Nasionál (KKLN), Riak Leman, hatete, Organizasaun Fuan Domin mos fó  kontribuisaun ba luta libertasaun nasionál, tanba ne’e husu ba foin sa’e sira atu kaer metin unidade no paz hodi hala’o dezenvolvimentu ho di’ak.

 “Se Governu lakohi rezolve problema arte marsiál liu-liu ba PSHT di’ak liu ami veteranu sira mak organiza sira, tanba uluk iha funu-laran, ami mak organiza organizasaun arte marsiál no arte rituál sira hodi luta ba ukun rasik-an. Tanba ne’e, ita sira ne’e mak uluk hamutuk hodi liberta rai ida ne’e tanba ne’e ha’u husu ba imi jerasaun foun tenke hamutuk kaer metin nasaun ida ne’e hodi dezenvolve ba oin, tanba nasaun Timor ne’e iha imi jerasaun foun nian liman no presiza organiza malu hanesan uluk ami organiza imi ba halo funu. Importante mak tenke harii unidade no paz iha ita-nia rain,”hateten Vidal de Jesus Riak Leman, banhira partisipa serimónia re-integra PSHT ba komunidade iha Aimutin, Díli, Sesta (10/06/22).

Administradór Postu Administrativu Dom Aleixo, José de Jesus, promete sei servisu hamutuk ho estrutura organizasaun PSHT hodi kria estabilidade.

“Ha’u husu ba organizasaun PSHT atu mantein disiplina ba buat ne’e imi nia maun boot sira fó ona hodi nune’e bele kria estabilidade ho di’ak iha komunidade nia leet, tanba imi nia maun senior sira balun uluk ami hala’o servisu kalandestina hamutuk hodi luta ba ukun rasik-an,”dehan.

 Polísia Komunitária, Carmerito Ribeiro, prontu atu kolabora ho estrutura arte marsiál sira hodi kria estabilidade iha rai-laran.

“Dadaun ne’e Governu reativa ona arte marsiál tolu. Tanba ne’e, ita presiza servisu hamutuk liu-liu organizasaun husi PSHT ami prontu atu servisu hamutuk ho estrutura nasionál PSHT to’o raiyon sira atu nune’e ita bele asegura malu. Polísia nia knaar mak onsa garante estabilidade iha bairu no suku-laran,”haktuir.

Sekretáriu Jerál Persaudaraan Setia Hati Terate, Pedro Aparício, husu ba membru PSHT sira iha teritóriu Timor laran tomak atu hakmatek hodi kontribui ba estabilidade.

“Ha’u husu membru warga sira iha teritóriu tomak atu hakmatek hodi kontribui ba estabilidade, tanba ezijensia ne’e mai husi ita-nia Estadu, veteranu autoridade lokál sira mak haruka ita tenke hakmatek reativa, Governu reativa ona, maibe aban bain rua Governu foun mai keta taka karik ida ne’e ita-nia preokupasaun. tanba ne’e agora ita presiza mak hakmatek hodi nune’e Governu labele taka. Antaun ha’u husu ba membru ida-idak tenke halo mudansa ninia pensamentu no atitudi iha sosiedade nia leet no tenke iha patrotizmu no nasionalizmu ba nasaun ida ne’e tanba nasaun ida ne’e hamriik sosa ho ema rihun ba rihun nia vida,”informa Pedro Aparício.

Atividade arte marsiál tolu ne’ebé Governu taka iha tinan 2013 ho rezolusaun númeru 16/2013/ tanba konsidera kria instabilidade iha rai-laran.

Maibé iha fulan kotuk Primeiru Ministru, Taur Matan Ruak, reativa atividade arte marsiál tolu ne’e hodi reintrega ba sosiedade ho responsabilidade.

Maske nune’e,  Estadu sei aplika nafatin lei númeru 5/2017/ atu regula aktividade arte marsiál sira, no rezolusaun númeru 4 /2020/ atu asegura atividade arte marsiál sira nian.aba


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker