GMN TV Politika Tarifa enerjia elétrika sa’e, konsumidór barak hahú halerik

Tarifa enerjia elétrika sa’e, konsumidór barak hahú halerik

107 views

Parlamentu Nasionál (PN), preokupa maka’as tanba konsumídor barak hahú halerik ho tarifa fornesimentu enerjia elétrika ne’ebé folin sa’e implika populasaun barak laiha kbiit atu sosa pulsa eletrisidade nian.

“Pulsa EDTL dau-daun ne’e konsumidór sira preokupa, tanba sira sosa pulsa eletrisidade ho dolar 10 maibé bainhira ense ba prepagu hetan deit dolar 8 entaun dolar 2 ba ne’ebé”, dehan Deputadu Bankada KHUNTO, Luis Roberto, durante intervensaun iha Plenária semana ne’e.

Luis Roberto afirma, alende EDTL koa osan pulsa, pulsa ne’ebé konsumídor sira ense uza la to’o semana ida hotu ona.

“Agora buat hotu agora folin sa’e no povu barak moris susar atu hetan osan araska  no kuaze populasaun maioria asesa ona ba prepagu, entaun se EDTL koa maka’as hanesan ne’e povu atu moris oinsa? Presiza hadi’ak jestaun hanesan ne’e, tanba se la’e Timor-Leste bele ukun-an tinan 20 ona mós povu sira sei fila-fali ba kotuk hodi tur nakukun deit iha tempu ida, no ida ne’e mak hakarak Governu liu-liu ba Ministériu relevante atu haree asuntu ne’e ho di’ak”,dehan.

Nune’e mós Deputada Bankada CNRT, Virgínia Ana Belo, afirma, liga ba fornesimentu tarifa enerjia  elétrika ne’ebé tuir regulamentu númeru 33/2010 kona-ba, tarifa fornesimentu enerjia elétrika  katak, ba kliente komérsiu ki’ik sira, bainhira ense pulsa enerjia eletrisidade hosi 0 kwh to’o 100 kwh kona 0,15 sentavu.

“Maibé realidade agora dau-daun sa’e hotu ba 20 até 24 sentavos, nune’e halo konsumidór sira ne’ebé loke kioske ki’ik kestiona maka’as loos asuntu ida ne’e no husu esplikasaun, tanba saida mak EDTL hasa’e presu elétrika no baze legál ne’e saida? tanba se atu muda tarifa pulsa eletrisidade nian tenke iha baze legál ruma” esplika. Fel


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker