GMN TV Politika To’o agora deputadu barak la hatene ko’alia Portugés

To’o agora deputadu barak la hatene ko’alia Portugés

292 views

Maske Timor-Leste ukun-an tinan 20 ona, maibé polítiku sira hanesan  reprezentante povu iha uma fukun Parlamentu Nasionál (PN), seidauk iha konsisténsia atu kumpri regra uza lian Portugés, iha sesaun plenária sira, maibe koalia fali lian Tetun.

Tanba ne’e, Deputadu bankada FREITLIN, David Dias Ximenes Mandati, nu’udar mós deputadu antigu iha Parlamentu Nasionál, husu atu membru Parlamentu Nasionál hotu atu konsistente ho regra utilizasaun lian portugés iha plenária, nune’e bele fó ezemplu no motivasaun ba sidadaun hotu atu aprende liutan lian ofisiál ne’e.

David Mandati hato’o pedidu ne’e, tanba bainhira iha sesaun plenária portugés, deputadu sira halo fali intervensaun  ho lian Tetun.

“Intervenções em portugues  sugeria foça concistênçia, porque se não, a outros alem são dificuldades na expressão portuguesa, mas estão esforçando fasendo tudo possível, embora facil erros, mas continua sua expressão em portugesa,”sujere Membru PN ne’e iha PN, Kuarta (22/06/2022).

Nune’e mós, deputada Josefa Âlvares Pereira, afirma, Parlamentu Nasionál presiza duni atu ko’alia lian portugés, tanba Parlamentu mós hola parte iha Asembleia Parlamentár Komunidade Paizes Língua Portugeza hodi reforsa lían portugés ne’e.

 “Temos que ser concistençia na nossa resolução que estabelecida, e ainda por sima, eu penso que estebelece grupo de Assembleia Parlamentar – Comunidade dos Paises da Língua Portuguesa (AP-CPLP) se esforça entervir a língua portuguesa, porque são apenas 2 veses por més e tem 6 veses pronunciamento de intervenção  em língua tetum, e 2 veses em língua portuguesa.”tenik deputada FRETILIN ne’ebé antiga liu iha PN.

Tuir rejimentu Parlamentu Nasionál, sesaun plenária realiza iha loron Segunda no Tersa, nune’e Segunda-feira plenária uza lian Tetun no Tersa-feira uza lian portuges.

Maske nune’e, GMN observa katak, durante ne’e, barak liu deputadu sira la kumpri, hodi kontinua halo intervensaun ho lian Tetun, maske iha sesaun Portugés.

Lian portugés ho Tetun, nu’udar lian ofisial ne’ebé hatúr iha Konstituisaun Repúblika Demokrátika Timor-Leste artigu 13, nune’e iha alinea da-ruak hateten, Estadu Timor-Leste, presiza valoriza no dezenvolve lian portugés no Tetun ho lian Nasionál sira seluk.Say

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker