Prezidente Repúblika, José Ramos Horta, hatete, Kay Rala Xanana Gusmão, reprezenta Estadu Timor-Leste ba koalia asuntu fronteira terrestre (FT) ho fronteira marítima (FM) entre Timor-Leste ho Indonézia ho advogadu sira iha Londres-Inglaterra.
PR Horta afirma, Xanana iha autoridade no kompeténsia atu koalia kona-ba asuntu importante ida ne’e.
“Prioridade absoluta organizasaun iha prezidénsia para iha instituisaun ida forte, segundu situasaun polítika interna, terseira mak viajen internasionál sira ne’e, no kuartu mak área sira ne’ebé importante ne’ebé Maun Bo’ot Xanana bele halo nu’udar líder nasionál, líder mundiál, reprezenta Timor-Leste ho autoridade, ho kompeténsia, iha reuniaun bo’ot iha Bruxelas União Europeia nian kona-ba dezenvolvimentu, depois Maun Bo’ot sei liu ba Inglaterra, reuniaun kona-ba fronteira terrestre, marítima ho advogadu sira iha ne’eba, fronteira terrestre ho Indonézia, depois liu ba Portugal simeira Oseanu, ne’e simeira ONU, Portugal ho Quenia mak organiza, ne’e mos área ne’ebé Maun Bo’ot Xanana domina 100%. Tanba ne’e mak parseria ho Maun Bo’ot tanba fatin balu ha’u labele ba, ha’u husu ba Maun Bo’ot reprezenta lori Estadu tomak nia naran,”dehan PR Horta iha Aeroportu Nicolau Lobato, Díli, Sesta (17/6/2022), bainhira akompaña Xanana ba nasaun tolu hanesan Bruxelas-Bélgica, Londres-Inglaterra, no Lisboa-Portugal.
Iha Aeroportu Internasionál Prezidente Nicolau Lobato, Kay Rala Xanana Gusmão, akompañadu husi Prezidente Repúblika, José Ramos Horta, no mos sira seluk tan.Nes
