GMN TV Politika Xanana vizita traballu ba nasaun tolu, koalia interese TL nian ba oin

Xanana vizita traballu ba nasaun tolu, koalia interese TL nian ba oin

211 views

Líder Nasionál Kay Rala Xanana Gusmão, Sesta (17/6/2022), resprezenta Estadu halo viajen servisu ba nasaun tolu, Bruxelas, Londres no Lisboa-Portugal, hodi koalia kona-ba interese Timor-Leste (TL) nian ba oin.

Viajen ne’e kuaze fulan ida, hahú husi loron 17, fulan ne’e to’o loron 12, fulan Jullu. Hahú iha loron 17 ne’e, Kay Rala Xanana Gusmão, sei aranka ba uluk ba Bruxelas,  hodi atende forum Loron Dezenvolvimentu Uniaun Europeia 2022, ne’ebé hahú husi loron 18 to’o 22.

Vizita ne’e mós nu’udar reprezentante espesiál Estadu Timor-Leste nian bazeia ba dekretu Prezidente Repúblika José Ramos Horta nian.

Tuir ajenda durante iha Bruxelas, Kay Rala Xanana Gusmão, nu’udar xefe negosiadór ba fronteira marítima sei hala'o fali viajen ba Londres, hodi hala'o reuniaun estratéjika ho konsellu jurídiku sira kona-ba negosiasaun fronteira rai no tasi.

Husi Londres, sei hala'o fali nia viajen ba Lisboa, hodi lidera delegasaun Timor-Leste iha Konferénsia Oseanu ne’ebé ONU organiza husi loron 27 Juñu– 1 Jullu, hanesan reprezentante espesiál Prezidente Repúblika nian no Timor-Leste nia reprezentante espesiál ba ekonomia azul.

Xanana Gusmão ho ekipa sei hala'o mós atividade ne’ebé g7+ organiza nu’udar pessoa eminente g7+ nian. “Ne’e enkontru importante,”dehan Xanana.

Nune’e Prezidente Repúblika, José Ramos Horta, hatete, Kay Rala Xanana Gusmão, reprezenta Estadu Timor-Leste ba koalia ho nasaun sira ne’e tanba iha kompeténsia no autoridade.

“Prioridade absoluta organizasaun iha prezidénsia para iha instituisaun ida forte, segundu situasaun polítika interna, terseira mak viajen internasionál sira ne’e, no kuartu mak área sira ne’ebé importante ne’ebé Maun Bo’ot Xanana bele halo nu’udar líder nasionál, líder mundiál, reprezenta Timor-Leste ho autoridade, ho kompeténsia, iha reuniaun bo’ot iha Bruxelas União Europeia nian kona-ba dezenvolvimentu, depois Maun Bo’ot sei liu ba Inglaterra, reuniaun kona-ba fronteira terrestre, marítima ho advogadu sira iha ne’eba, fronteira terrestre ho Indonézia, depois liu ba Portugal simeira Oseanu, ne’e simeira ONU, Portugal ho Quenia mak organiza, ne’e mos área ne’ebé Maun Bo’ot Xanana domina 100%. Tanba ne’e mak parseria ho Maun Bo’ot tanba fatin balu ha’u labele ba, ha’u husu ba Maun Bo’ot reprezenta lori Estadu tomak nia naran,”dehan PR Horta iha Aeroportu Nicolau Lobato, Díli, Sesta (17/6/2022).

Iha Aeroportu Internasionál Prezidente Nicolau Lobato, Kay Rala Xanana Gusmão, akompañadu husi Prezidente Repúblika, José Ramos Horta, no mos sira seluk tan.Nes


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker