GMN TV Politika ALKATIRI AKOMPAÑA PROGRAMA VIII GOVERNU IHA PN ■ XANANA AUZENTI

ALKATIRI AKOMPAÑA PROGRAMA VIII GOVERNU IHA PN ■ XANANA AUZENTI

2 views

Eis Primeiru Ministru VII Governu konstitusionál, Marí Alkatiri, marka prezensa iha aprezentasaun programa VIII Governu ne’ebé aprezenta direta husi Primeiru Ministru (PM), Taur Matan Ruak, iha Parlamentu Nasional (PN).

Entretantu Prezidenti Koligasaun Aliansa Mudansa ba Progresu,  Kay Rala Xanana Gusmão, ne’ebé lista tama mós membru VIII ne’e, la marka prezensa loron primeiru debate programa Governu nian.

Iha aprezentasaun Programa Governu, Primeiru Ministru, Taur Matan Ruak, afirma, iha programa ne’e Governu hakarak atu hasa’e kresimentu ekonómiku, redus kiak no loke kampo servisu ba Timor-oan.

Iha nia intervensaun, PM Taur Matan Ruak hateten, objetivu VIII Governu nian mak hasa’e kresimentu ekonomia, kria servisu ba Timor-oan sira no redus kiak.

“Diak liu ita ambisiozu, duke ita laiha ambisaun, tanba kuandu ita laiha ambisaun, ita-nia vida lala’o ba oin, mezmu ita hatene katak,  la fasil atu atinji buat sira ne’e,” katak Taur Matan Ruak.

Xefi Governu ne’e dehan, VIII Governu sei kontinua  buat ne’ebé diak, no  buat ne’ebé la serve sei hasai.

“Lian maternal ne’e,  ha’u uluk sei Prezidenti Repúblika, ha’u kritika lian materna, maibé ba ha’u importante liu mak halo nusa hadia kondisoens, maibé ha’u konsiente katak, ida ne’e problema ida, maibé la’os partidu ida ka ema ida nian, maibé probelema komum, hodi buka dalan ne’ebé mak ita hakarak la’o ba,” katak Taur Matan Ruak.

Nia haktuir, iha VIII Governu ne’e, sei proividu atu sasan plastiku tama mai Timor Leste, ho redus importasaun.

“Ha’u nia pergunta, ida rezolve problema ida ne’e oinsa, iha solusaun ita hotu mak tenki hetan, li-liu sira ne’ebé hetan ona formasaun, hanesan ita nia joven sira. Maromak halo problema iha nia solusaun, ema halo kadiadu, iha mos nia xavi,” dehan Taur Matan Ruak.

Nia salienta, kresimentu depende valor osan ne’ebé Estadu tau iha area ekonomia. Timor Leste nia probelma halo nusa mak Estadu nia responsabiliza atu hatama osan mai Timor, no setor privadu sira asume responsabilidade ida ne’e.cos


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker