GMN TV Politika EMBAIXADA NOVA ZELANDIA SEI KAPASITA MEMBRU PN

EMBAIXADA NOVA ZELANDIA SEI KAPASITA MEMBRU PN

0 views

[:tl]

Prezidente Parlamentu Nasional (PN), Arão Noe, informa, embaixada Nova Zelandia liu husi ninia embaixadora kompromete sei fó apoiu formasaun no kapasitasaun ba deputadu no funsionariu Parlamentu Nasional (PN).

“Objetivu embaixadora Nova Zelandia mai enkontru ho Prezidente PN ne’e atu hato’o kongratulasaun ba Prezidente PN no fó dezeja bom susesu ba PN V lejislatura, no sira kompromete prontu fó apoiu nafatin ba Timor-Leste liu husi programa sira ne’ebé durante ne’e la’o no sira sei kria programa ruma iha PN no prontu fó apoiu tékniku ba formasaun no kapasitasaun sira iha PN,” Prezidente PN ba jornalista sira hafoin remata enkontru ho embaixadora Nova Zelandia, Vicki Poole iha gabinete prezidensia PN, Kuarta (11-07-2018).

Iha biban ne’e Prezidente PN Arão Noe mós agradese ba sira embaixada Nova Zelandia, tanba iha tinan kotuk sira apoiu jurídiku ba seminariu ida kona-bá anti korupsaun ninian.

“Sira dehan ami nasaun ki’ik labele apoia finanseira, maibé ami bele fó apoiu liu husi formasaun, treinamentu, kapasitasaun no bolsu de estudu ba Timoroan sira,” hateten Prezidente PN V lejislatura ne’e.

Agradesimentu Prezidente PN nian ba embaixada Nova Zelandia ne’e, tanba dezde tempu INTERFET to’o agora Nova Zelandia kontinua fó bapoiu Timor-Leste iha área formasaun no kapasitasaun.

“Hein katak kooperasaun ne’ebé halo mezmu ki’ik no uitoan, kontinua nafatin ba oin atu nune’e relasaun entre nasaun rua ne’e bele la’o ho diak nafatin,” relata Arão Noe. Ves

 [:]


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker