GMN TV Politika FRETILIN-PD APREZENTA LAK BA MEJA PN ■ ESPERA AMP SEI KONTRIBUI

FRETILIN-PD APREZENTA LAK BA MEJA PN ■ ESPERA AMP SEI KONTRIBUI

0 views

Atu garante governasaun diak, dezenvolvimentu, asegura dignidade no integridade Estadu, partidu opozisaun Frente Revolucionaria do Timor-Leste Independente (FRETILIN) no Partido Democrático (PD), Segunda (9/7), aprezenta ona projetu Lei Anti Korupsaun (LAK) ba meja Parlamentu Nasional (PN).

“Atu garante boa governasaun no dezenvolvimentu, atu asegura dignidade no integridade Estadu, Timor-Leste presiza urjentimente lei Anti Korupsaun ida forte no efetivu. Tanba ne’e iha lejislatura ida ne’e, FRETILIN no PD sei tau ás, nu’udar prioridade lei atu prevene no kombate KKN iha Timor-Leste,” Vise Xefi bankada FRETILIN, Francisco Miranda Branco ba jornalista sira liu husi koferensia imprensa ne’ebé halo iha sala konferensia PN, Díli, Tersa (10-07-2018).

Nia esplika, atu fó forsa ba Komisaun Anti Korupsaun (KAK) hodi kombate korupsaun, bankada opozisaun FRETILIN no PD aprejenta ona lei anti korupsaun ba meja PN hodi tau ba diskusaun, tanba opozisaun konsidera durante ne’e PN laiha seriedade polítika atu luta kontra korupsaun.

“Ami sei halo esforsu atu hetan la-lais aprovasaun iha PN, tanba ne’e iha semana ida ne’e, bankada FRETILIN no PD sei hatama iha ajenda diskusaun kona-bá lei Anti Korupsaun. Maibé ita hotu-hotu hatene katak depois de aprovasaun lei Anti Korupsaun, ita presiza mós iha vontade polítika husi orgaun soberania sira atu koopera maka’as no totalmente ho justisa no tribunál sira,” haktuir Vise Xefi bankada FRETILIN ne’e.

Francisco Branco realsa katak, FRETILIN no PD sei asegura katak iha V sesaun Lejislativa ida ne’e, PN sei la taka dalan ba prosesu ruma atu hasai imunidade husi membru Governu ka deputadu sé de’it ne’ebé tenke hasoru justisa.

“Ita bele koalia kona-bá hakarak kombate korupsaun, mais kuandu KAK laiha lei ita labele halo buat ida, tanba ne’e ami mós husu ba deputadu sira husi AMP bele fó importansia no apoiu atu bele aprova lei ne’e la-lais,” relata Vise Xefi bankada FRETILIN ne’e.

Entretantu tuir Vise Xefi bankada PD, Adriano do Nascimento hateten, PD konsidera esbosu projetu lei ida ne’e importante teb-tebes atu fasilita no haforsa liu tan KAK, tanba kria ona KAK no PN hanesan lejislador presiza fasilita sira ho lei, atu nune’e sira bele halo sira nia knaar ho diak.

“Prosesu hirak ne’e iha Prezidente PN nia liman, atu halo lais ka, atu lori ba plenaria ne’e depende ba iha Prezidente PN. Kestaun seluk bankada FRETILIN no PD ne’e deputadu la’os maioria, ami espera katak deputadu husi AMP atu fó apoiu, hosi bele deskuti no aprova lei Anti Korupsaun, tanba ne’e importante teb-tebes ba nasaun,” haktuir Vise Xefi bankada PD ne’e.

Projetu lei Anti Korupsaun ne’e ho artigu besik 30, konteudu husi lei ne’e la’os ba de’it korupsaun, maibé ba mós deklarasaun riku-soin, tanba antes ne’e prosesu lei deklarasaun riku-soin ne’ebé Timor-Leste implementa ne’e seidauk iha baze legal ida atu obriga servidor Estadu sira. ves


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker