GMN TV Politika KONSENTRA BA FM HO FT, XANANA GUSMÃO REZIGNA-AN HUSI MECPM

KONSENTRA BA FM HO FT, XANANA GUSMÃO REZIGNA-AN HUSI MECPM

0 views

Prezidente koligasaun Aliansa Mudansa ba Progresu (AMP), Kay Rala Xanana Gusmão rezigna-an ona husi ninia kargu nu’udar Ministro de Estado Conselheiro ao Primeiro Ministro (MECPM) no Ministro Planeamento Investimento e Estratégico (MPIE) ne’ebé antes ne’e Primeiru Ministru (PM), Taur Matan Ruak, indijita ona, hodi konsentra de’it ba servisu Fronteira Marítima (FM) ho Fronteira Terrestre (FT).

“Sim maun boot Xanana Gusmão informa ona ba PM, Taur Matan Ruak katak nia presiza konsentra iha negosiasaun tasi ninian, nia presiza konsentra negosiasaun ho Indonesia iha rai no tasi, ne’e hanesan investimentu tempu no sakrifisiu boot teb-tebes,”Ministro de Estado Presidência do Conselho de Ministros (MEPCM), Agio Pereira, informa ba jornalista sira wainhira partisipa aprezenta programa VIII Governu, iha Parlamentu Nasional, Díli, Kinta (26-07-2018).

MEPCM, Agio Pereira, relata katak, Kay Rala Xanana Gusmão, foti desizaun lakohi hola parte iha Governu, ne’e ho razaun ida katak hakarak konsentra iha prosesu negosiasaun ba fronteira terestre no fronteira marítima ho Indonesia.

“Kay Rala Xanana Gusmão mai ho konluzaun ida katak, diak liu lalika hola parte iha governamental, para investe ita-nia konsolidasaun soberania iha fronteira ninian,”haktuir Agio Pereira.

Tanba ne’e, lider karismátiku Kay Rala Xanana Gusmão sei la asumi kargu nu’udar Ministro de Estado Conselheiro ao Primeiro Ministro (MECPM) no Ministro Planeamento Investimento e Estratégico (MPIE) iha VIII Governu konstitusional, mezmu antes ne’e partisipa ona iha reuniaun Konsellu Ministru.

Antes ne’e mós PM, Taur Matan Ruak, indijita ona Kay Rala Xanana Gusmão hola parte iha VIII Governu, maibé tanba kestaun polítika lider karismátiku ne’e la partisipa iha pose ba dahuluk ne’ebé hala’o iha Palasiu Nobre, Lahane, iha loron 22, fulan Juñu.

Entretantu bainhira tenta husu kona-bá sé maka sei subtitui kargu ne’ebé Xanana Gusmão husik hela, MEPCM, Agio Pereira, lakohi fó komentáriu.ves


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker