GMN TV Politika LÍDIA DOS SANTOS ELEITU SAI PREZIDENTE GMPTL

LÍDIA DOS SANTOS ELEITU SAI PREZIDENTE GMPTL

0 views

Deputada husi bankada Fretilin, Lídia Norberta dos Santos, eleitu ba Prezidente Grupo Mulher Parlamentar Timor-Leste (GMPTL) ba mandatu V lejislatura períodu tinan 2018 to’o 2022, ho votus a favor 11, kontra 9 no abstensaun 0.

“Kona-ba programa ba oin ami sei diskute, no programa ne’ebé ami sei halo, sei la ses husi misaun no vizaun GMPTL nian, grupu ne’ebé mak kria bazeia ba regulamentu ne’ebé iha, ami mós sei servisu hamutuk ho Governu no parseiru sira seluk tan, hodi bele asegura direitu feto maluk sira atu asesu oportunidade ne’ebé ita-nia nasaun oferese,”informa Prezidente GMPTL, Lídia Norberta, ba jornalista iha Parlamentu Nasionál (PN), Tersa (17/07/2018).

Deputada ne’e hateten, GMPTL V lejislatura, sei sosializa informasaun no servisu hamutuk ho parte Governu, hodi hakbiit feto sira atu responsabiliza funsaun dupla hanesan servidor Estadu ka knaar seluk iha liur, inklui funsaun hanesan inan atu koidadu oan sira.

Tanba GMPTL detekta iha família balun ne’ebé hala’o servisu iha liur, maibe abandona oan sira iha uma hodi save tan odamatan hafoin ba servisu, no labarik sira ne’ebé futuru nasaun nian, sei sente abadonadu husi inan no aman rasik, bainhira akontese hanesan ne’e beibeik.

Tuir deputada ne’e, mosu akontesimentu hirak ne’e, tanba iha Timor-Leste sei menus fatin koidadu labarik nian.

“Feto barak mak servisu, hanesan funsionariu públiku, jornalista, iha área limpeza nian, balun dona da kaza, maibe balun servisu halai ses husi oituan husi sira nia dever hanesan inan, sira tenke hala’o funsaun rua ne’e hotu, servisu, aleinde servisu mós hala’ao funsaun hanesan inan ba oan sira, maibe hau haré funsaun ida ne’e ladun hala’o sira ne’ebé iha servisu, liu-liu ba sira ne’ebé oan sei ki’ik, sira servisu maibe laiha ema ruma mak tau matan hela ba sira nia oan, maske sira hala’o ona sira funsaun hanesan servidor estadu,” hateten Lídia Norberta.

Feto membru Parlamentu ne’ebé inklina iha V lejislatura hamutuk 25, kompostu husi bankada Fretilin deputada 8, CNRT nian 9, PLP nain 3, KHUNTO 3, inklui Frente Mudansa 1 no bankada PD deputada 1.Say


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker