GMN TV Politika MCC APOIA US$ 750 MIL BA GOVERNU TL

MCC APOIA US$ 750 MIL BA GOVERNU TL

0 views

Governu Timor-Leste ho Ajensia Milennium Challenge Corporation (MCC),  husi Governu Estadu Unidu Amérika, asina ona akordu hodi apoia US$ 750 mil ba Governu Timor-Leste hodi hahú halo estudu ba implementasaun programa compact iha Timor-Leste.

Objetivu husi implementasaun programa compact ne’e, atu hamenus kiak iha Timor-Leste, liu hosi hasa’e kresimentu ekonómiku.

 “Ami halo asinatura ida ne’e, ha’u rasik em nome Governu Timor-Leste, asina akordu ida, ne’ebé Estadus Unidus America fó apoiu ho montante osan US$ 750 mil,” relata Ministro Reforma Lejislativa no Asunto Parlamentar,  Fidelis Magalhães, ba jornalsita sira iha Palasiu Governu Domingo (21/7/18), hafoin asina akordu ho MCC.

Nia dehan, orsamentu US$ 750 mil ne’e, atu Governu Timor Leste prepara kondisoens durante fulan 24 nia laran mai, ba akordu final ne’ebé mak Timor Leste ho MCC sei asina tan.

Nia esplika, orsamentu ida ne’e para ajuda Governu Timor Leste hodi halo preparasaun kona ba akordu final ida, entre Timor Leste ho MCC.

Fidelis dehan, programa compact ne’e, nia objetivu atu Governu Timor Leste forma ekipa ida hodi halo estudu ida, atu identifika dezafius principal ba Timor Leste nia dezenvolvimentu ekonómiku no investimentu prisipal mak saida.

“Identifika tiha mak apoiu compact ne’e mai, depois investe iha área hirak ne’ebé mak atu hadia Timor Leste nia dezenvolvimentu.  Apoiu MCC nian ne’e, hanesan apoiu internasional no hanesan rekuñesimentu importante ida ba Timor Leste, li-liu ba Timor Leste nia kualidade instituisaun, kualidade Timor Leste nian atu uza nia rekursu ba dezenvolvimentu ba nia povu, Timor Leste nia kompromisu atu hadia ninia kuadrus legal sira, no atu hadia liutan kondisoens luta kontra korupsaun,”

Fidelis relata, fundu MCC nian ne’e, la’os fundu ida ne’ebé dupla, maibé hanesan apoiu externa ne’ebé EUA fó, no nasaun sira seluk mós bele kompete ba fundu ida ne’e, bazeia ba sira nia kualidade esforsu ba redus korupsaun, no kualidade demokrásia.

“Ho montante osan ne’ebé Estadus Unidus fó, hatudu katak, sira rekuñese ona Estadu Timor Leste atinjia duni ona objetivu sira ne’ebé sira inpoint hanesan, Timor Leste nia kualidade instituisaun, kualidade Timor Leste nian atu uza nia rekursu ba dezenvolvimentu ba nia povu, Timor Leste nia kompromisu atu hadia ninia kuadrus legal sira, no atu hadia liutan kondisoens luta kontra korupsaun,” dehan nia.

Fidelis esklarese, ba fulan 24 mai, nia sei lidera preparasaun ida ne’e, atu nune’e Governu Timor Leste bele aprezenta proposta id aba Governu EUA liu husi MCC, para bele hetan apoiu internasional.

“Ha’u nia esperansa mak ne’e, iha fulan 24 tuir mai, ita sei konkretiza duni estudu ne’e, no depois sei aprezenta duni ba MCC atu hateten katak, ita presiza duni apoiu ida ne’e, no sira apoiu ita. Tanba MCC nia apoiu ne’e, bazeia duni ba ita nia prioridades dezenvolvimentu iha rai laran. Ho ida ne’e aban bainhira sei halo Timor Leste hetan konfiansa internasional, tanba nasaun ida ne’ebé atu sai teste ida ne’ebé diak ba investimentu internasional, kualidade instituisaun ne’ebé naton, atu bele dada investor sira mai Timor Leste,”katak Fidelis.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker