GMN TV Politika OJE 2018 SEI KOBRE TINAN TOMAK

OJE 2018 SEI KOBRE TINAN TOMAK

0 views

Ministru Estadu Prezidensia Konsellu Ministru, Agio Perreira, hatete, VIII Governu hakarak Orsamentu Jeral Estadu  (OJE) 2018, kobre ba tinan tomak hodi rezolve dívida sira hotu  ne’ebé mak seidauk selu.

Agio Pereira esplika, Orsamentu Jeral Estadu 2018  tenki haree ba tinan tomak, tanba orsamentu duodésimu ne’e, sei la’o husi fulan juñu to’o agustu de’it.

Hafoin enkontru Konsellu Ministru ne’ebé hala’o iha Segunda  (16/07) lorokraik ne’e, Agio Perreira, hateten, reuniaun entre membru Governu ho Primeiru Ministru ne’e, ko’alia kona ba plafon orsamentu 2018 nian.

“Ami konsidera perspetiva tinan tomak nian, tanba iha dívida ne’ebé ita tenki hatan, tanba ne’e responsabilidade Estadu nian, tanba duodésimu ne’e, sei la’o husi Juñu to’o Agustu, entaun orsamentu ba Ministériu sira ne’e, fulan hat hanesan ne’e,”relata Agio Perreira.

Nia hatutan, orsamentu ne’e seidauk aprova, tanba ministériu ida-idak sei haree plafon ne’ebé mak Ministériu Finansa fó, hodi bele hadia didiak orsamentu ne’ebé ministériu ida-ida presiza, liu-liu iha kapasidade ezekusaun nian.

“Orsamentu 2018 ne’e, tenki haree tinan tomak, para haree dívida sira ne’e iha ne’ebé? Saida mak selu ona no saida mak seidauk selu, hodi fó responsabilidade ba Estadu ne’e la’o ba oin,”relata Agio.

Tanba ne’e, Agio dehan, orsamentu 2018 nian ne’e, sei fila fali ba Konsellu Ministru hodi hetan aprovasaun no aprezenta ba Parlamentu Nasional.

Kona-ba membru Governu sira ne’ebé mak seidauk simu posse, maibé marka hotu prezensa iha enkotru ne’e, Agio Perreira, dehan, problema ne’e iha ona akordu.

“Orgániku VIII Governu nian ne’e, iha ona akordu, falta  aprovasaun final husi Konsellu Ministru, no tatoli ba Prezidenti Repúblika atu halo promulgasaun no publika. Buat ne’ebé susar tebes, depois iha tempu badak ne’e, tenki halo orgánika 20 ba ministériu hotu kompoin VIII Governu,”relata Agio Pereira.

Kona-ba programa VIII Governu nian, Agio Perreira, dehan, Governu estuda detallu tiha ona, no iha tempu badak sei aprezenta ba Parlamentu Nasional tuir lei ne’ebé determina ona.cos


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker