GMN TV Politika PD SEI APOIA PROGRAMA VIII GOVERNU ■ ASANAMI: LÍDERANSA TENKE DIÁLOGU

PD SEI APOIA PROGRAMA VIII GOVERNU ■ ASANAMI: LÍDERANSA TENKE DIÁLOGU

0 views

Bankada Partidu Demokrátiku (PD) iha Parlamentu Nasionál (PN), sei fó apoiu ba programa VIII Governu nian hodi tau aas interese povu no Estadu Timor-Leste, duke interese partidária, deklara deputadu PD, Mariano Asanami Sabino ba jornalista iha nia knaar fatin PN, Tersa (23/07/2018).

Atual prezidente PD ne’e afirma, maske programa VIII Governu nian ne’e iha faze leitura, maibe nia parte haree ona programa balun ne’ebé refleta ba nesessidade povu nian, tanba ne’e PD laiha rezerva atu apoia programa Governu.

“PD laiha rezerva ba povu no rai ida ne’e no líder sira, saida mak diák ba povu no nasaun ida ne’e, PD sempre firme para atu apoiu la’o ba oin. Tanba ne’e mak agora dadauk ami sei haree hela programa ne’e, tanba importante tebes, nia mak hanesan mata dalan ida husi planu estratéjiku dezenvolvimentu nasional, ba implementasaun tinan lima nian, dezde iha VII Governu konstitusional mós PD prontu ho ida ne’e nafatin, hahú kedas iha IV Governu PD nafatin ho espiritu ida ne’e,”deklara Prezidente PD ne’e.

Líder másimu PD ne’e apresia ho programa VIII Governu nian, tanba inklina mós kompromisu balun ne’ebé PD hato’o ba eleitor durante kampaña eleitoral iha baze.

“Ohin (Horseik) PD kontente, tanba programa ne’e mai fila-fali, programa lubuk ida mak ami lee tiha ona, ladook husi programa ne’ebé mak iha VII Governu nian, iha programa lubuk ida maka ami lee tiha ona, iha mós kompromisu PD nian ba eleitor sira iha laran, ezemplu atu fó kréditu ba estudante sira, kria fatin ba estudante, ne’e nu’udar PD nia kompromisu, seluk tan halo uma ba povu iha área rural, apoiu veteranu, ba ferik katuas, ba seguransa sosial, ne’e mós nu’udar PD nia kompromisiu, tanba ne’e PD sei haré ho klean depois halo diskusaun klean tan, oinsa nia implementasaun, tanba ita hakarak iha konsistensia no dossiplina ba orsamentu ho programa ne’ebé iha, bainhira implementa, tanba programa barak mak buat ne’ebé ita sempre ko’alia, no programa ne’e mós lubuk ida kontinuasaun de’it, ita diskute de’it mak oinsa kolokasaun orsamentu, hanesan ba pilar tolu importante ba ekonomia país nian, hanesan Turizmu, Agrikultura no mina rai, entaun ita presiza haree oinsa mak kolokasaun orsamentu ba setor sira ne’e,”hateten deputadu Asanami.

Tuir deputadu bankada PD ne’e, membru VIII Governu seidauk kompletu sei fó impaktu ba prosesu jestaun orsamentu no implementasaun programa Governu nian.

Tanba ne’e, líder másimu PD ne’e, sujere ba Líderansa Aliansa Mudansa ba progresu (AMP)  ho Prezidente Repúblika, atu bele diálogu, hodi tau ses interesse polítiku, atu bele aselera tomada de posse ba kandidatu hirak ne’ebé suspende hela, hodi nune’e labele fó impaktu ba prosesu dezenvolvimentu iha rai laran, inklui la implika ba povu nia moris lor-loron nian.

“Prosesu implementansaun sempre iha implikasaun, tanba kada ministériu, tenke lidaradu husi ministru ho nia estrutura kompletu, atu nune’e bele aselera servisu ne’e. tanba programa ne’e derivadu jeral husi planu estratéjiku ba implementasaun tinan 5 nian, para atu ezekuta no lideradu programa ne’e bele la’o di’ak, ne’e tenke ho ida-idak nia ministru, estrutura ne’e atu kompletu, PD sempre interven katak, díalogu ne’e dalan importante hodi ko’alia ba malu, eleisaun remata ona, kuandu eleisaun remata ita tenke halo jestaun katak povu hili ona ida ne’e ou hili ona ida ne’eba, maibe jestaun ne’e lideransa mak tenke halo, para demokrásia ne’e la’o, hodi fó benefisiu ne’e ba povu, tanba povu ne’e la’os de’it instrumentu ida ba vota de’it, maibe votus ne’e remata, responsabilidade ne’e fila-fali ba lideransa sira, para responsabiliza votus ne’ebé povu fó hodi servi povu ho di’ak, Ita nia interesse, satiadu malu no odiu malu tenke mout ona, bainhira interesse ba rai no povu nian mai iha ita-nia oin, sakrifisiu ida ne’e mak eroi sira halo,”dehan líder másimu PD ne’e.

Iha sorin seluk, Vise Prezidente Parlamentu Nasionál, Luis Roberto da Silva, informa, programa ne’ebé VIII Governu aprezenta, prioridade liu mak edukasaun, saúde no programa prioridade seluk tan ne’ebé ba nesessidade povu nian.

Deputadu KHUNTO ne’e relata tan, liu hosi reuniaun líder bankada Segunda, loron 23, fulan ne’e, aprova ona giaun ba prosesu diskusaun programa durante loron tolu nian.

Antes ne’e, Vise prezidente PN, deputada Angelina Sarmento, hateten, inkompletu estrutura VIII Governu nian, sei la fó impaktu ba prosesu diskusaun programa, tanba sei reprezenta no responsabiliza husi Primeiru Ministru VIII Governu mak halo aprezentasaun.Say


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker