GMN TV Politika PN SUSPENDE PROPOSTA GOVERNU EXTENDE MANDATU KOMISARIU KAK

PN SUSPENDE PROPOSTA GOVERNU EXTENDE MANDATU KOMISARIU KAK

0 views

Parlamentu Nasionál (PN) liu hosi plenária Segunda (16/07/2018), suspende ajenda eleisaun ba proposta Governu ne’ebé extende mandatu komisariu Komisaun Anti Korupsaun (KAK), Aderito Tilman, tanba bankada CNRT, PLP no KHUNTO hakarak Governu tenki propoin kandidatu rua, la’os úniku.

Vise xefi bankada PLP, Francisco Vasconcelhos, apoiu husi bankada CNRT no KHUNTO husu meja PN suspende ajenda eleisaun ba komisariu KAK, nune’e PN bele iha opsaun bainhira halo eleisaun, nune’e bele iha desizaun ne’ebé loos ba futuru KAK nian.

“Ajenda ida ne’e ita suspende votasaun ba komisariu KAK nian, tanba iha informasaun balun mai husi entidade barak, kona-ba dezempeñamentu komisariu KAK nian, depois loron ida rua liu ba mós funsionariu KAK nian aprezenta asuntu barak kona-ba oinsa KAK ne’e bele servisu di’ak liu tan ba oin, tanba ne’e mak ho hanoin ida ita tenke dignifika instituisaun ida ne’e, tanba agora dadauk komisaun A simu tan ona proposta lei KAK nian, tanba ne’e mak ami husu ajenda eleisaun ne’e suspende, tanba ami hakarak governu aprezenta kandidatu nain 2, para bele iha opsaun,”hatete Francisco Vasconcelhos.

Iha biban hanesan, Vise Xefi bankada Fretilin, Francisco Miranda Branco, hatete, aktu hirak husi bankada AMP ne’e, fó sinal ladi’ak ba kandidatu refere, tanba desizaun mai husi Governu ne’ebé governa husi AMP, maibe to’o Parlamentu, bankada AMP rasik mak suspende.

“Kontaktu sira ne’e tenke halo antes, para labele atraza nomeiasaun komisariu husi KAK nian, ba oin ne’e funsionamentu sira ita tenke solidariedade institusional, atu kontaktu entre Governu no nia reprezentante sira iha PN tenke la’o loloos, para labele akontese hanesan ne’e, Governu ne’ebé hasai desizaun hodi prolonga poder ba komisariu ne’ebé hala’o nia atividade to’o horiseik (horbainrua_red), agora mai fali partidu sira ne’ebé iha Governu ne’e duni mak atu suspende, kestaun sira ne’e ita labele repete ba oin, tenke iha vontade ba malu, ida ne’e fó sinal ladiak mós ba kandidatu ne’e, sira rasik hasai tiha ona desizaun iha Konsellu Ministru atu prolonga mandatu, depois mai fali Parlamentu sira rasik mak suspende,”dehan Branco.

Relasiona ho sujestaun hirak ne’e, Prezidente Parlamentu Nasionál, Arão Noe Amaral, deside suspende ajenda atu eleisaun ba komisariu KAK nian, nune’e bele haruka hikas karta ofisial ida ba Governu atu bele aumenta tan kandidatu ida hodi aprezenta ba Parlamentu, nu’udar opsaun atu bele hili.

Enkuantu, Mandatu ba komisariu KAK atúal, Adérito Tilman remata iha loron 15 fulan Jullu, tinan ne’e.

Antes ne’e, VIII Governu, liu hosi Konsellu Ministru deside ona atu extende komisariu KAK atúal Adérito Tilman ba tinan 4 tan.Say

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker