GMN TV Politika PR LÚ OlO TO’O ONA TL ■ SEI FORTIFIKA KOOPERASAUN IHA FUTURU

PR LÚ OlO TO’O ONA TL ■ SEI FORTIFIKA KOOPERASAUN IHA FUTURU

0 views

Prezidente Repúblika (PR), Francisco Guterres ‘Lú Olo’, deklara, objetivu prinsipal delegasaun Timor-Leste (TL) hala’o vizita Estadu durante loron rua iha Jakarta-Republik Indonesia (RI), atu fortifika no hametin liu tan relasaun bilateral rai rua nian ba futuru.

“Foin dau-dauk ne’e ami iha netik oportunidade hala’o vizita ba Republik Indonesia (RI), hodi hasoru malu ho prezidente RI, portantu iha kotextu ida ne’e nia laran ha’u bele hateten vizita Estadu ne’e ho objetivu prinsipal atu hametin TL ninian relasaun ho Indonesia, pais rua ne’ebé vijiñu bele kaer liman hamutuk hateke ba futuru TL no Indonesia ninian,” PR Lú Olo liu husi ninia konferensia imprensa hafoin fila husi ninia vizita Estadu ba Jakarta-Indonesia, iha salaun Very Important Person (VIP), Aeroporto Nicolau Lobato, Díli, Sabadu (30-06-2018).

Nia esplika, loloos ne’e viajen ida ne’e halo iha tinan kotuk bainhira eleitu sai PR, nuudar PR kompromete ba Prezidente RI, Joko Widodo atu vizita Indonesia, maibé la konsege vizita, tanba TL hasoru situasaun polítika.

“Konseitu ida ne’e maka lori ha’u ba indonesia no husi kontextu ideias ida ne’e maka ami koalia asuntu barak, a nivel bilateral entre Indonesia ou Prezidente Joko Widodo ninia delegasaun,”haktuir PR, Francisco Guterres.

Entretantu tuir Ministru Negosiu Estranjeiru no Kooperasaun, Dionísio Babo, hateten, asuntu ne’ebé maka delegasaun husi nasaun rua, koalia maka asuntu relasaun bilateral, edukasaun, pekuaria, fronteira terrestre no marítima ninian.

“Iha loron primeiru ami enkontru ho Prezidente Joko Widodo iha istana Bogor, ne’ebé aprejenta husi ekipa TL ninian, aborda kestaun lubuk ida, primeiru iha área edukasaun, liu-liu kona-bá interkambiu estudante sira nian no ita nia estudante besik 5 mil maka eskola iha Indonesia. Parte seluk koalia kona-bá konektividade TL no Indonesia, liu-liu iha parte terrestre, tanba iha tinan kotuk MOP asina ona nota intendimentu sobre dezenvolvimentu ponte mota ain, ne’ebé sei fasilita ita nia konektividade ho indonesia iha fronteira, ita sei fó segimentu ba buat sira ne’e hotu, para konstrui iha tinan ida ne’e,”relata MNEK ne’e.

Nia akresenta, treseiru koalia kona-bá infraestrutra, fronteira marítima ho fronteira terrestre no nasaun rua desidi atu deskuti para rezolve detallu liu segmentu fronteira terrestre no marítima, diskusaun ne’e iha ona konkordansia atu rezolve la-lais.

Vizita Estadu ba Jakarta-Indonesia ne’e hala’o durante loron rua, husi loron 28 to’o 29 Juñu no akompaña husi espoza PR Lú Olo, Cidalia Nobre Guterres, MNEK, Dionísio Babo, Xefi Estadu Maior F-FDTL, Major Jeneral Lere Anan Timur no sira seluk.ves


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker