GMN TV Politika PR SEI VIZITA PORTUGAL

PR SEI VIZITA PORTUGAL

0 views

Ministru  Negosiu Estranjeiru no Koopersaun, Dionísio Babo Soares, hatete, Prezidenti Repúblika (PR), Francisco Guterres ‘Lú Olo’ sei vizita Portugal iha loron 10, fulan Jullu, tinan ne’e hodi hametin liu tan kooperasaun bilateral ba futuru.

Iha vizita Xefi Estadu nian iha Portugal ne’e, sei trata asuntu importante sira iha area edukasaun nian, atu haruka profesor no diretor eskola husi Timor-Leste tuir treinamentu iha Portugal.

“Ohin (horseik-red) ha’u mai hasoru Prezidenti Republika, hato’o ba Prezidenti kona-ba ajenda vizita ba Portugal, tuir planu  iha loron 10 to’o iha ne’eba deskansa loron ida, no sei iha kedan enkontru loron rua tutuir malu ho Prezidenti Repúblika Portugal nian no mos Primeiru Ministru Portugal, no sei hala’o vizita ba Parlamentu Nasional, no koalia asuntu konaba nasaun rua  nia relasaun,”dehan Dionísio Babo, ba Jornalista sira, hafoin remata enkontru ho Prezidenti Republika Sesta (6/07/2018) iha Palasiu Prezidensial Nicolau Lobato-Bairo Pite, Dili.

Nia afirma, posibelmente sei asina akordu de entendimentu  entre nasaun rua, iha area edukasaun no seluk tan.

“Ne’ebé sei servisu iha futuru, akordu ne’e iha rua,  ida konaba, se asina duni akordu ne’e, sei haruka Professor timor oan sira  atu tuir treinamentu iha Portugal,  atu prepata hadia diak  liu tan aprendizajen ba ensinu Lingua Portuguesa, no akordu segundu mak  atu hare oinsa haruka Diretor Eskola sira hahu husi Prmaria  no Sekundaria ba aprende konaba   jestaun iha Portugal. Ita espera katak, ida ne’e sei iha hotu konkordansia tamba agora ne’e sei deskuti detalu hela iha nivel tekniku, se hotu ona estadu nain rua konkorda no Prezidenti nain rua mos sei asina,m para nune’e it abele kontinua implemnenta akorudu ne’e iha futuru” subliña Dionísio.

PN sei diskuti nia viajen

Nune’e mos, Prezidente Parlamentu Nasional (PN), Arão Noe, deklara, iha loron 9, fulan Jullu ne’e, PN sei halo deliberasaun kona-bá Prezidente Repúblika (PR), Francisco Guterres ‘Lú Olo’ nia vizita Estadu ba Portugal, hodi koalia asuntu bilateral entre Timor-Leste no Portugal.

“Ami simu tiha ona karta kona-bá pedidu autorizasaun PR ninia deslokasaun ba Portugal no Cabo Verde iha loron Tersa (3/7) liu ba, mais horiseik (horibainrua-red) meuidia mosu fali karta foun ida mai husi PR, hodi altera fali ninia viajen, maibé deslokasaun nafatin iha loron 10 Jullu no sei fila-fali no iha loron 17 Jullu, vizita Estadu PR ninian ne’e la to’o ba Cabo Verde, mais to’o de’it iha Portugal,” Prezidente PN ba jornalista sira iha uma fukun PN, Díli, Sesta (06-07-2018).

Nia esplika, asuntu vizita Estadu PR Lú Olo ninian ne’e PN ajenda ona ba Segunda (9/7), maka foin halo deliberasaun ba viajen Xefi Estadu ninian ne’e.

“Tuir ajenda Lú Olo sei hala’o vizita Estadu ba Portugal no Cabo Verde iha loron 10, fulan Jullu ne’e, maibé tanba pedidu mai husi PR altera fali ninia vizita Estadu ba Cabo Verde, entaun PR Lú Olo sei ba de’it Portugal,” haktuir Arão Noe.

Iha vizita Estadu entre delegasaun Timor-Leste ho Portugal ne’e Xefi Estadu, Francisco Guterres ‘Lú Olo’ sei asina akordu intendimentu ida ho portugal, hodi reforsa kooperasaun iha área edukasaun, liu-liu kapasitasaun ba profesor no Diretor eskola Timoroan sira iha Portugal.Oly/ves

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker