GMN TV Economia PROPOSTA FOTI OSAN FP BAIXA ONA BA KOMISAUN C

PROPOSTA FOTI OSAN FP BAIXA ONA BA KOMISAUN C

1 views

Meja Parlamentu Nasionál (PN) V lejislatura liu hosi plenária extraordinária, Kinta (19/07/2018), baixa ona proposta lei nú 1/V (1ª) autorizasaun extraordinária hodi realiza transferénsia Fundu Petrolíferu (FP) ba komisaun C ne’ebé toma konta asuntu finansa públika, atu diskute no halo apresiasaun ba karater urjensia ka normal.

Hafoin entrega proposta lei refere ba Prezidente komisaun C, deputadu Antonino  Bianco liuhosi nia intervensaun hatetenk, proposta lei refere sei difikulta liutan VIII Governu, tanba nia parte konsidera proposta lei refere latuir rekezitus no la’os urjente.

Tanba ne’e deputadu ne’e prefere, Governu atu la’o tuir prinsipiu duadésimu ne’ebé uja ona iha Governu anterior.

“Proposta lei ne’e la priense rekezitus konstitusionais no rejimentais, satán urjente, agora lae ona, tuir loos governu tenke uja kompetensia tuir prinsipiu duadésimu ne’eb’e iha, ne’ebé ita halo para tentativa dezvaloriza Governu anterior nia desizaun, buka tenta dehan sira mak di’akliu, ne’ebé hau hanoin lei iha hela, para atu kompetensia hodi foti osan transferênsia, agora dehan la’e fali ona, imi halo buat ne’e dentru de prinsipiu duadésimu, ne’e la’os lei foun orsamentu jeral estadu, ne’e nia estrutura latuir rekezitus ona, maibe labuat ida, tanba imi atu obriga ho imi nia maioria, ita halo diskusaun, hau hanoin mak ne’e, difikulta imi nia na, difikulta mákina estadu tomak, ne’e mak imi dada tempu atu halo krize despeza ba estadu nian,”hateten deputadu Antonino.

Hatan ba asuntu ne’e, Prezidente Parlamentu Nasionál (PPN), Arão Noe de Jesus Amaral, justifika, pedidu husi Governu ne’e, kategoria karater urjente ka normal, depende ba relatóriu pareser husi komisaun finansa públiku, hafoin diskute no halo apresiasaun, tuir rejimentu fó dalan.

“ Rejimentu hateten katak, tempu ba apresiasaun 24 oras, tanba ne’e mak ha’u sujere ona ba plenária ajendamentu ida ohin (Horiseik) para ita baixa de’it ba komisaun, depois komisaun C halo apresiasaun no ajenda nia relatóriu parese mai para apresia iha karater urjensia ka lae! husi ne’e mak ita foin debate, ha’u hanoin ida ne’e mak loos hanesan ne’e, tanba ne’e mak ha’u husu distintu deputadu sira, ita husik lai komisaun C halo ninia funsaun, depois mak ita halo apresiasaun kona-ba urjensia ka lae kontiudu pedidu ida ne’e,”esplika Arão Noe.

Hafoin plenária, Prezidente komisaun C, Fernanda Lay, aviza kedas ba membru komisaun finansa públika, atu bele marka kedas prezensa iha komisaun hodi hahú diskute hafoin plenária extraordinária refere.

Pedidu VIII Governu ne’e aprezenta ba Parlamentu Nasionál iha loron 12, fulan Jullu, tinan ne’e, no sei diskute no halo apresiasaun ba karater urjensia ka normal iha komisaun C asuntu finansa públika durante oras 24, hahú husi komisaun simu proposta husi meja Parlamentu, no sei lori hikas pareser ba meja Parlamentu hodi diskute no halo apresiasaun iha plenária, atu bele autoriza ka lae? Hodi VIII Governu foti osan fundu petrolíferu.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker