Sosiedade Sivil husu ba reprezentante povu iha Parlamentu Nasional (PN) atu tau konsiderasaun as liu ba interese povu nian, tanba ne’e, husu mos atu la bele lai sosa kareta Prado ba membru PN sira hodi uza lai kareta prado ne’ebe iha nanis ona.
“Ba ita nia dinamika demokrasia desizaun Parlamentu Nasional atu sosa kareta ne’ebé deputadu iha tinan kotuk uja, iha situasaun ida ne’e ita nia deputadu sira nafatin hatudu sira nia imaturidade politika.Tanba la konsege kaer metin komitmentu no promesa ne’ebé promete iha tempu eleisaun,” afirma Vise Direktor Asosiasaun HAK, Xisto dos Santos, hodi responde JNDiario, foin lalais ne’e.
Nia hatutan ida ne’e deputadu sira insulta povu nia vontade no konfiansa ba votus ne’ebe povu fo konfiansa, ne’e minimu votu ida povu atu hetan buat ruma,se deputadu uza povu nia konfiansa atu hola kareta foun povu atu hetan sa ida husi kareta foun ne’e.
Integridade deputadu sira laos uza kareta ho folin maka’as se hakarak hola kareta, tanba sa ida mak lakoi sosa aviaun deit ona ne’e diak liu
“Ita bo’ot sira nia integridade no dignidade laos deit iha aspal nia leten , to’o iha lalehan ho aviaun ne’e hatudu katak intregidade sukat laos deit iha rai hanesan mós povu maubere, maibe minimu to’o iha lalehan se hakarak hola kareta foun nusa lakoi hola deit aviaun no mós hola Ró. Nune’e deputadu sira nia intregridade laos deit iha lalehan maibe mós iha Tasi laran,”Xisto hateten.
Nia esplika se deputadu sira atu hola tan kareta foun ne’e signifika la eduka ona povu ne’e dez enkoraza povu nia konfiansa ba tinan 5 mai, ne’e povu nia hanoin hili deputadu foun para sira atu sosa kareta foun espiritu politika
Sosiedade sivil kontinua mantein no insiste ba Komissaun Antikorrupsaun (KAK) atu halo investigasaun iha buat balun la los ona ida ne’e korrupsaun politika ida ne’ebé mak intensionalmente husi deputadu sira liu husi dezisaun politika aprova osan
“Ida ne’e ami konsidera nudar krimi politika presiza hetan investigasaun husi CAC, PDHJ no mós ba Tribunal atu prosesu deputadu hirak ne’ebé malandru insulta povu nia vontade,”Xisto afirma tan.
Antes ne’e movimentu Universitáriu Timor Leste (MUTL) konsidera deputadu sira bosok povu Timor leste (TL),ne’ebé fo ona konfiansa ba sira,liu husi eleisaun ladauk konvense deputadu III legislatura balun atu entrega hikas kareta ne’ebé uza ba Parlamentu Nasional (PN)
Faktus hatudu katak deputadu sira bosok Públiku no povu Timor Leste fo ona konfiansa ba sira, tanba eis membru Parlamentu Nasional (PN) III legislatura barak mak seidauk entrega kareta no kontinua privatiza kareta hirak ne’e no poir liu tan mak troka Xapa matrikula ba privadu. ety
