GMN TV Politika VOTA KONTRA VIAJEN PR BA RAI LIUR, KJEUTL KONSIDERA VINGANSA POLÍTIK

VOTA KONTRA VIAJEN PR BA RAI LIUR, KJEUTL KONSIDERA VINGANSA POLÍTIK

0 views

Konjunta Juventudi Estudante Universitáriu Timor Leste (KJEUTL) konsidera maioria membru Parlamentu Nasionál  (PN) ne’ebé la aseita viajen Prezidenti Republika (PR), Francisco Guterres Lú Olo ba rai liur ne’e nu’udar aktu vingansa polítika.

Tanba diálogu Prezidenti Repúblika (PR) Francisco Guterres Lú Olo, ho Primeiru Ministru Taur Matan Ruak ne’ebé seidauk iha solusaun ba lista membru Governu balun ne’ebé Primeiru Ministru propoen maibé to’o oras ne’e seidauk iha nomeiasaun atu simu posse.

Porta voz KJEUTL, Zeferino da Silva hateten, Primeiru Ministru, Taur Matan Ruak, figura ida kompremetidu atu kombate korupsaun, tanba deit interese ema balun nian, Primeiru Ministru to’o oras ne’e seidauk hetan entendimentu ida ho Prezidenti Repúblika (PR) Francisco Guterres Lú Olo.

“Públiku tomak hatene katak, Sua Exceléncia Primeiru Ministru, Taur Matan Ruak mós hanesan figura ida kompremetidu atu kombate korupsaun, maibé tanba de’it interese ema balun nian, Sua Excelénsia Primeiru Ministru la konsege hetan entendimentu ho Prezidenti Repúblika. Dezentendimentu ida ne’e komesa kria vingánsa polítika ba malu, nune’e maioria membru parlamentu la aseita Prezidenti Repúblika nia viajen ba rai liur, ne’ebé bele dehan katak diplomátikamente hanesan dezastre ida ba ita nia rain,” hateten Zeferino da Silva, liuhusi konferensia imprensa iha Jardim 5 de maiu, Tersa (10/7).

Iha Parlamentu Nasionál Segunda feira (9/7/2018) deputadu sira kansela tiha viajen PR ba rai liur ho votu kontra 35, a vafor 29 no abstensaun 0.

Haree ba polémika polítika ne’ebé agora dadauk la’o iha rai laran ne’e, KJEUTL deklara katak, apoia inkondisionalmente desizaun Prezidenti Repúblika hodi la nomeia kandidatu membru governu ne’ebé nia kazu iha hela prosesu nia laran, liu-liu sira ne’ebé alegadu no akuzadu ba krime korupsaun.

“Ami mós husu ba Prezidenti Republika atu mantein desizaun hodi la nomeia kandidatu membru governu sira ne’ebé iha indísius prátika korupsaun, hodi nune’e bele tane aas nafatin dignidade, integridade no kredibilidade governu no estadu tomak nian,” Zeferino da Silva hatutan.

Konjunta Juventudi Estudante Universitáriu Timor Leste husu ba Primeiru Ministru Taur Matan Ruak atu substitui kandidatu membru VIII governu konstitusionál balun husi koligasaun Aliansa Mudansa ba Progresu (AMP) ne’ebé seidauk hetan posse husi Prezidenti Repúblika, Francisco Guterres Lu Olo.

Tanba tuir, Konjunta Juventudi Estudante Universitariu Timor Leste koligasaun AMP iha rekursu barak ne’ebé kompetente atu bele asume hikas knar hirak ne’ebé Prezidenti Repúblika saidauk fó pose.ías


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker