GMN TV Politika XANANA LA SIMU POSSE TANBA DIGNIDADE

XANANA LA SIMU POSSE TANBA DIGNIDADE

0 views

Prezidente Aliansa Mudansa ba Progresu (AMP), Kay Rala Xanana Gusmão, klarifika, nia seidauk simu posse tanba dignidade no senti ofendidu ho rejeisaun Prezidente Repúblika (PR), Francisco Guterres ‘Lú Olo’ ba kuadru partidu CNRT ne’ebé Primeiru Ministru (PM), Taur Matan Ruak propoin atu hola parte iha VIII Governu.

“Ha’u la ba toma posse, tanba desizaun PR ninian ne’e afeta ha’u-nia partidu, ami rekoñese partidu CNRT foin maka tinan 11, idade sei ki’ik oan hela, partidu ida que folin la’ek teb-tebes, ami rekoñese ida ne’e, maibé bainhira partidu polítiku hetan konfiansa husi povu, partidu mós iha ninia dignidade.  Tanba ne’e nuudar Prezidente CNRT ha’u la simu, tanba iha tinan kotuk nia fó pose ba ema ne’ebé komete kazu, maibé agora nia rejeita membru Governu balun, tanba ne’e maka ami dehan sé tribunal dehan kandidatu membru Governu nain 9 ne’e komete krimi, ita boot nian ne’e hetan husi ne’ebé,” Prezidente AMP ba jornalista liu husi konferensia imprensa ne’ebé halo iha sede CNRT, Bairro dos Grilhos, Díli, Kinta (12-07-2018).

Nia akresenta, PR Lú Olo tenki prova kulpa husi kandidatu membru Governu nain 9 PM propoin ba PR halo fiskalizasaun.

“Ha’u fó hatene ona ba PM Taur Matan Ruak, ha’u fiar katak PM informa ona ba PR, tuir informasaun dehan ami na’ok fali osan Estadu nian ne’e maka ita la simu, tanba ne’e ha’u la ba simu pose dala rua ne’e tanba senti ofendidu,” haktuir Xanana Gusmão.

Nia realsa, PR maka tenki hatudu lia loos no PR iha koñesementu kona-bá direitu, tanba ne’e karik membru Governu hirak ne’ebé maka seidauk simu pose ne’e melanggar buat ruma karik tenki hatudu faktus.

“Iha prátika Governu ninian ha’u rekoñese katak bainhira CNRT mosu iha 2007 to’o agora ne’e Timor hakiduk át loos, ha’u rekoñese partidu ida que la vale, mais ofende ami ne’e, ha’u la simu, ne’ebé agora ha’u so’e ona ba PR, ida ne’e ninia responsabilidade, maibé tuir tribunal ami la komete korupsaun ruma, sé Ministériu Públiku maka dehan, foti sai to’ok mai para ita rona,” relata Lider Máximu AMP ne’e.

Entretantu tuir Komisaun Polítika Nacional (KPN) CNRT, Virgilio Smith konsidera husi divulgasaun ba públiku karta PR Lú Olo ninian maka públiku komesa akuza kandidatu membru Governu nain 9, hanesan Francisco Kalbuadi Lay, Virgilio Smith, Tomas Cabral, Jasinto Rigoberto, Antonio Verdial de Sousa, Helder Lopes, José Manuel Turquel de Jesus, Amandio de Sá Benevides no Sergio Lobo no família, feen no oan husi kandidatu membru VIII Governu ne’e sofre ofensas ho insultu oi-oin, bainhira karta refere sai ba públiku.

“PR jura ona ba povu atu kumpri konstituisaun, nune’e mós asinante hotu ne’ebé indikadu atu hala’o sira nia funsaun governativa hein PR atu respeita ba prinsipiu prejunsaun de inosensia, segredu iha justisa nian, separasaun de poderes husi orgaun soberania sira atu labele atu labele iha pena ne’ebé la definidu ka ho durasaun laiha limiti no respeitu ba valor ema nian nuudar humanu, kondisaun sira ne’e laiha karik ita labele mehi sai Estadu Direitu Demokrátiku ida ne’ebé loos,” haktuir Virgilio Smith.

Entretantu dau-daun ne’e PM Taur Matan Ruak no PR Lú Olo kontinua halo diálogu hodi diskuti konaba lista membru VIII Governu, ne’ebé seidauk simu pose husi PR. Ves


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker