GMN TV Politika Xanana-Rogerio subtitui Gastão ho Marcos

Xanana-Rogerio subtitui Gastão ho Marcos

0 views

Deputadu bankada Partidu Libertasaun Popular (PLP), Abel Pires, deklara, Prezidente partidu koligasaun Aliansa Mudansa ba Progresu (AMP), Kay Rala Xanana Gusmão maka sei subtitui Gastão de Sousa husi Ministru Planeamentu no Investimentu ho Rogerio Araújo maka sei subtitui Marcos da Cruz husi Vise Ministru Agrikultura no Peskas iha VIII Governu konstitusional.

“Sé la sala pozisaun Ministru Planeamentu no Investimentu, Gastão de Sousa ne’e Xanana Gusmão maka sei subtitui no ba pozisaun Vise Ministru Agrikultura no Peskas, Marcos da Cruz troka ba Rogerio Araújo, informasaun ne’e PM maka informa rasik. Rogerio Araújo ne’e atual koordenador CNRT husi Aileu,”Abel Pires hato’o ba Grupo Média Nacional (GMN), iha sala bankada PLP, Parlamentu Nasional (PN), Kuarta (11-07-2018).

Nia akresenta, desizaun partidu koligasaun AMP eskolla Xanana Gusmão no Rogerio Araújo, tanba lideransa no membru AMP konfia sira nain rua nia kapasidade lideransa.

“Informasaun husi ita nia Primeiru Ministru (PM) horiseik (horibaintolu-red) katak sira halo subtituisaun ona, ne’ebé hanesan reprezentante povu ami sei la tau kanuru tohar ba desizaun PR ninian no ami fó konfiansa tomak ba ita nia lideransa nain rua para rezolve situasaun ida ne’e iha tempu badak nia laran,” haktuir deputadu bankada PLP ne’e.

Nia apela mós ba Xefi Estadu, Francisco Guterres ‘Lú Olo’ no Xefi Governu, Taur Matan Ruak atu rezolve situasaun polítika ne’e la-lais, para bele fokus ba dezenvolvimentu nasional.

“Iha ona informasaun katak programa VIII Governu nian prontu onano iha tempu badak PN sei debate programa, depois ita sei fokus atu dezenvolve ita nia rai, tanba ita labele kontinua iha situasaun ida hanesan ne’e,” dehan Abel Pires.

Deputadu bankada PLP ne’e hateten sira labele fó komentariu kona-bá membru Governu nain 11 ne’ebé Prezidente Repúblika (PR), Francisco Guterres ‘Lú Olo’ pendente hela, atu halo defeza honra iha tribunal hodi kontra desizaun PR ninian ba sira, tanba ne’e kestaun pesoal, nune’e planui ne’e la hetan orientasaun husi partidu.

Entretantu tuir Xefi bankada CNRT, Duarte Nunes hateten, AMP sei subtitui membru Governu hirak ne’ebé maka PR Lú Olo pendente, maibé PR desidi pendente ne’e mós tenki iha justifikasaun ba sira-nia frakeza.

“AMP sei subtitui membru Governu hirak ne’ebé maka PR pendente hela, maibé tenki iha razaun ida ne’ebé justifika no konvense PM ho Prezidente AMP para troka, karik laiha razaun labele hasa’i ema, tanba ema iha direitu aktividade polítika,” haktuir Duarte Nunes.

Entretantu oras ne’e dau-daun PM ho PR sei kontinua halo diálogu hodi deskuti lista membru VIII Governu konstitusional ne’ebé sei pendente molok hetan pose husi PR Lú Olo. ves


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker