[:pt]Akuza meja PN illegál, Mosu dezintendimentu entre PPN ho Maria Barreto[:id]Akuza meja PN illegál, Mosu dezintendimentu entre PPN ho Maria Barreto[:en]Akuza meja PN illegál, Mosu dezintendimentu entre PPN ho Maria Barreto[:tl]Akuza meja PN illegál, mosu dezintendimentu entre PPN ho Maria Barreto[:]

Deputada bankada CNRT, Maria Barreto, liu husi ninia intervensaun polítika iha uma fukun Parlamentu Nasionál (PN), Tersa (28/7), konsidera, meja PN ne’ebé dau-daun ne’e eziste illegal no husi meja refere hahoris Governu de faktu.

“Ha’u hakarak atu hahú ho bankada CNRT nia slogan ida neebé ma kami iha “meja PN illegal hamosu Governu de faktu”, Xefe Governu no membru VIII Governu de faktu, iha oportunidade ida ne’e iha intervensaun bazeia ba relatóriu ne’ebé ita boot sira hato’o mai i iha pajina 54 to’o 55 iha relatóriu grande estrategia combate SARS, COVID-19 iha TL kona-bá doasaun ekipamentu saúde ni’an husi parseiru Xina”, dehan deputada bankada CNRT ne’e.

Ho nune’e, Prezidente Parlamentu Nasionál (PPN), Aniceto Guterres, lamenta liafuan husi deputadu bankada CNRT ne’e, tanba deputadu husi bankada CNRT sempre uza liafuan “meja PN illegal no hamosu Governu de faktu”.

“Ha’u gosta rona liafuan meja PN illegal ne’ebé hahoris Governu de faktu, klaru tenke iha esplikasaun legál ho la legal, nia sasukat ne’e saída, favór esplika mai ha’u, mai iha plenáriu iha trasmisaun direta husi Rádio e Televisão de Timor-Leste (RTTL), ida tenke esplika sasukat ho la legál ne’e iha ne’ebe”, dehan PPN ne’e.

Aniceto promete mós katak, wainhira deputadu sira husi bankada CNRT hato’o pedidu ba iha nia (PPN-red) sé la hakerek meja PN illegal, nia parte sei la atende pedidu refere.

Hafoin mosu dezintendimentu entre deputada Maria Barreto ho PPN, Aniceto Guterres iha minutu balun tenke hapara plenária, hodi hakalma situasaun refere, tanba konsege manas uitoan. ety